SportPress.kz قازاقستان سپورت جاڭالىقتارى
20 ناۋرىزدا ناۋرىز مەيرامىن تويلاۋ اياسىندا استاناداعى «ارعىماق» ات-سپورتى كەشەنىندە ۇلتتىق سپورت كۇنىنە ارنالعان «ناۋرىزناما: ۇلتتىق سپورت كۇنى» مەرەكەلىك ءىس-شاراسى بولادى، دەپ حابارلادى استانا قالالىق دەنە شىنىقتىرۋ جانە سپورت باسقارماسى.
مەرەكەلىك ءىس-شارادا كوكپار، اۋدارىسپاق، تەڭگە ءىلۋ، قىز قۋدان كورسەتىلىمدەر جانە توعىزقۇمالاق پەن اسىق اتۋدان شەبەرلىك ساباقتارى جوسپارلانعان.
قوناقتارعا قازاقى تازى جانە بۇركىت كورسەتىلەدى. سونداي-اق، قولونەرشىلەر جارمەڭكەسى، ۇلتتىق سپورت ارداگەرلەرىن ماراپاتتاۋ ءراسىمى جانە مەرەكەلىك كونتسەرتتىك باعدارلاما وتەدى.
ءىس-شارا تۋريزم جانە سپورت مينيسترلىگىنىڭ قولداۋىمەن ۇلتتىق سپورت قاۋىمداستىعى مەن استانا قالاسىنىڭ اكىمدىگىنىڭ ۇيىمداستىرۋىمەن بولادى.
كىرۋ تەگىن.
