Bárin jýrnalıster men blogerler sheshetin bolsa, biz ne istep júrmiz? – Myrzaǵalı Aıtjanov

Bıyl Franııanyń astanasy – Parıj qalasynda tórt jylda bir aınalyp keletin jazǵy Olımpııalyq oıyndar sherý tartady. Ázirshe osy dúrmekti dodaǵa erler arasyndaǵy ulttyq quramanyń alty boksshysy ǵana joldama alyp qoıdy. Endi bir lıenzııanyń taǵdyry Taılandtyń astanasy – Bangkok qalasynda bolatyn halyqaralyq týrnırde sheshiledi. Bul jarys 26 mamyr men 2 maýsym aralyǵynda jalaýyn jelbiretip turady.

Qazir ulttyq quramada 63,5 keli salmaqtaǵy boksshynyń lıenzııasy ǵana bolmaı tur. Osy salmaqta Serik Temirjanov, Erasyl Tańqaı, Muhammedsabyr Bazarbaıuly men Ertýǵan Zeınýllınov bar. Biraq byltyr Azııa oıyndarynda Ertýǵan Zeınýllınov, jaqynda Italııada ótken týrnırde Muhammedsabyr Bazarbaıuly lıenzııa ala almaı qaldy. Endi basqa sportshylardyń Taılandta ótetin týrnırde osy salmaq boıynsha joldama alýǵa múmkindik bolady. Sonyń biri — 67 kelige deıingi salmaqta rıngke shyǵyp júrgen Dýlat Bekbaýov.  Ol salmaq qýyp, 63, 5 kelige túsip, Olımpıada joldamasy úshin kúsh synasqysy keletin kórinedi. Al ázirshe osy synǵa qaı boksshynyń qatysatyny belgisiz. Olımpıada chempıony Baqtııar Artaev jýrnalıst Aslan Qajenovtyń You tube-degi «Sport mınıstri» arnasyna bergen suhbatynda Parıjdegi dodaǵa Dýlat Bekbaýovtyń barýy tıis ekenin aıtty.

Meniń oıymsha, Dýlat 100 paıyz Olımpıadaǵa barýy kerek. Ol qarsylasynyń qyr-syryn bile alady, ábden tekserilgen, shyńdalǵan boksshy. Ol salmaǵyn 63,5 kelige túsirse, ony ustaı alady. Salmaq qýýǵa qıyndyq bolmaıdy. Muhammedsabyr Bazarbaıuly, Ertýǵan Zeınýllınov  men Dýlat Bekbaýov bir-birimen sparrıng ótkizýi kerek. Sonda jeńgen bylǵary qolǵap sheberi ulttyq quramaǵa alynyp, lıenzııa úshin Taılandqa barýy tıis, — dedi ol.

Ulttyq quramanyń bas jattyqtyrýshysy Myrzaǵalı Aıtjanov bolsa qazir 63,5 keli salmaq tóńireginde áńgimeniń kóbeıip ketkenin,  ony jýrnalıster men blogerler de kóbeıtip jibergenin eskertti. Bul týraly ol jýrnalıst Samat Súleıge Facebook-te aıtty.

Birinshiden, Dýlattyń jeke jattyqtyrýshysy osy salmaqqa aýysatyny jaıly bir aýyz sóz aıtqan emes. Ekinshiden, bárin jýrnalıster men blogerler sheshetin bolsa, biz ulttyq quramada ne istep júrmiz? Úshinshiden, Dýlat Bekbaýov ulttyq qurama múshesi. Eger 63,5 kelige aýysatyn oıy bolsa, bizge kelip aıtýy kerek. Jarystarǵa osy salmaqta qatysýy kerek. Eger mundaı nıetteri bolsa, qurama jattyqtyrýshylaryna aıtýy tıis. Sodan soń, biz osy salmaqtaǵy boksshylarmen judyryqtastyryp, bárin baǵamdaımyz. Dýlat pen onyń jattyqtyrýshysy maǵan bul oıy týraly aıtqan joq. Ulttyq qurama múshesine, eger salmaq aýystyratyn bolsa, tikeleı kelip aqyldasýyna esh kedergi joq. Al jarysqa eki aı qalǵanda mundaı áńgime aıtý oıǵa qonbaıdy, – dedi Myrzaǵalı Aıtjanov.

Ulttyq quramanyń bas jattyqtyrýshysy 26 mamyr men 2 maýsym aralyǵynda Bangkokte sońǵy lıenzııalyq týrnırdiń bolatynyn, ázirshe  oǵan 63,5 keli salmaqtan kimniń baratyny belgisiz ekenin, boksshylardyń arasynda irikteý ótip, eń myqtysy ǵana jarysqa jibereletinin aıtty.

Dastan KENJALIN,

ASTANA