Bas júlde qanjyǵamyzǵa baılandy

Assalıamýaleıkým aǵaıyn! Búgin bir keremet jeńisti ári jemisti kún boldy. Áz-Naýryz merekesine oraı, О́tegen kentinde shaǵyn fýtboldan dúbirli týrnır bolyp ótti.

Bul jarysty uıymdastyrǵan belgili ardager sport jýrnalısi Álim Anapııanov edi. El arsynda salýatty ómir saltyn dáriptep júrgen ardaqty aǵamyzdyń osyndaı alaman jarysty Ulystyń uly merekesine qatysty uıymdastyrýy merekelik kóńil-kúımen jarasyn tapty.

Sonymen týrnırge 5 komanda kelip qatysqan bolatyn. Aınalym erjejesi boıynsha órbigen týrnırde 3 komandany jeńip, bir komandamen teń túsken bizdiń «Qalamger» atty komandamyz bas júldeni jeńip aldy. Ekinshi oryndy «Otan avto» komandasy ıelense, júldeli 3 oryn «О́tegen kent» komandasynyń ardager oıynshylaryna buıyrdy.

Týrnırdiń «úzdik oıynshysy» bizdiń komandanyń beldi oıynshysy Jandos Sazanbaevqa tabys etildi. Sonymen qatar qorǵanysymyzdy tas qamal ustaǵan qorǵaýshyshyz Murat Kenenovke «úzdik qorǵaýshy» syılyǵy qurmetpen berildi. Al, komandamyzdyń tájirbıeli oıynshysy Saıfýtdın Shaıfýtdınovke «ardager oıyn úılestýshi» nomınaııasy boıynsha saltanatpen tabys etildi. Sonymen tartysty ótken týrnır shegine jetip, basqa da oıynshylar óz marapattaryn aldy. Negizi osyndaı ardagerler arasynda ótkizilip turatyn dop dodalarynyń mańyzy óte zor dep esepteımin. О́ıtkeni, sport arqyly bir-birimen aralasyp, syrlasyp bir sher tarqasý úshin osyndaı sharalardyń jıi ótkizýi qajet-aq. «Deni saýdyń jany saý» -degen elmiz. Bir jaǵynan densaýlyq, ekinshi jaǵy aralasyp qoǵamnan shet qalmaý bolsa, úshinshi jaǵynan jastyq shaqtaryn eske alyp alańda bar sheberlikterin salyp jeńis úshin jankeshtilik tanytý bolyp tabylady. Endeshe osyndaı ardagerler úshin uıymdasyrylyp turatyn jarystardyń qatary kóp bolsa ıgi edi dep tileımiz.

Aqyn ORDABAIULY,

Almaty oblysy,

О́tegen kenti