رىباكينا قايتا كورتقا شىقتى

ەلىمىزدىڭ ءبىرىنشى، الەمنىڭ ءتورتىنشى راكەتكاسى ەلەنا رىباكينا جاراقاتىن ەمدەپ العان سوڭ، قايتا كورتقا شىقتى. قازىر ول اقش-تىڭ مايامي شتاتىندا ەرلەر جانە ايەلدەر اراسىندا ءوتىپ جاتقان WTA 1000 تۋرنيرىنە قاتىسىپ جاتىر.

بۇگىن ەرتەمەن اتلانت مۇحيتىنىڭ ار جاعىنان كەلگەن حابارعا قاراعاندا، ول ءتۋرنيردىڭ  تورتىنشى اينالىمىنا شىقتى. بۇل جارىستا ول ءتورتىنشى راكەتكا بولىپ تىركەلىپ، امەريكالىق تەيلور تاۋنسەندپەن وينادى.

بۇل سپورتشىلاردىڭ العاشقى كەزدەسۋى ەدى.

ءبىرىنشى پارتيادا ەسەپ 4:3 بولعان كەزدە رىباكينا برەيككە جاساپ، ءوز مۇمكىندىگىن جىبەرگەن جوق.

ەكىنشى سەتتە كەرىسىنشە ەسەپ 3:4 بولعاندا، تەننيسشى قارسىلاسىنىڭ برەيك جاساۋىنا مۇمكىندىك بەرىپ قويدى. ودان كەيىن  قاتەلىگىن تۇزەپ، ەسەپتى تەىەستىردى.

ءۇشىنشى پارتيادا رىباكينا 2:0 ەسەبىمەن العا شىعىپ، ماتچتى برەيكپەن جەڭدى. قورىتىندى ەسەپ– 6:4، 6:7، 6:4.

ەكى ساعات 23 مينۋتقا سوزىلعان ويىندا رىباكينا 16 ەيسپەن بىرگە 10 برەيك-پوينتتىڭ تورتەۋىن ءمۇلت جىبەرمەدى.

ەندى رىباكينا شيرەك فينالعا شىعۋ ءۇشىن الەمنىڭ 18-راكەتكاسى، تاعى ءبىر امەريكالىق مەديسون كيزبەن كەزدەسەدى.

وسى تۋرنيردە يۋليا پۋتينتسەۆا دا ءتورتىنشى اينالىمعا شىقتى. ول ءۇشىنشى اينالىمدا الەمنىڭ 79-راكەتكاسى، بەلگيالىق گرەت ميننەنمەن سىنعا ءتۇستى. كەزدەسدە پۋتينتسەۆا قارسىلاسىنان 6:2، 6:2، 6:4 ەسەبىمەن باسىم ءتۇستى.

يۋليا پۋتينتسەۆا شيرەك فينالعا شىعۋ ءۇشىن الەمنىڭ 2-راكەتكاسى، بەلارۋس وكىلى ارينا سوبولەنكو نەمەسە رەيتينگىدە 36-ورىنداعى ۋكراينالىق انگەلينا كالينينانىڭ قاي جەڭگەنىمەن وينايدى.

ەرلەر جارىسىندا الەكساندر بۋبليك پەن الەكساندر شەۆچەنكو مايامي ماستەرس ءتۋرنيرىنىڭ ءۇشىنشى اينالىمىنا شىعا المادى

الەمنىڭ 18-راكەتكاسى الەكساندر بۋبليك 38-راكەتكا، يتاليا وكىلى ماتتەو ارنالديدەن، ال  تىزىمدە 58-ورىندا تۇرعان الەكساندر شەۆچەنكو الەمنىڭ 9-راكەتكاسى، پولياك حۋبەرت حۋركاچتتان جەڭىلىپ قالدى.