SportPress.kz قازاقستان سپورت جاڭالىقتارى
گرۋزيانىڭ تبيليسي قالاسىندا سەمسەرلەسۋدەن ءوتىپ جاتقان الەم كۋبوگىنىڭ شەشۋشى كەزەڭىندە ساپى جاتتىعۋى بويىنشا قازاقستان ەرلەر قۇراماسى وليمپيادانىڭ جولداماسىن جەڭىپ الدى، دەپ حابارلادى تۋريزم جانە سپورت مينيسترلىگى.
تۋرنيرگە ۇلتتىق قۇرامانىڭ ساپىندا رۋسلان قۇربانوۆ، ۆاديم شارلايموۆ، ەرلىك سەرتاي مەن ەلمير ءالىمجانوۆ قاتىستى.
كوماندالىق جولدامانىڭ ارقاسىندا ءۇش سپورتشىمىز بىردەن جەكە سايىستا دا وليمپيادا جۇلدەسىنە تالاسادى. بۇل 1/8 فينالدا وڭتۇستىك كورەيا سپورتشىلارىنىڭ چەحيادان جەڭىلگەنىنە بايلانىستى مۇمكىن بولدى.
وسىلايشا، قازاقستان قۇراماسى جالپى رەيتينگتە توپ-4 مەملەكەتتىڭ قاتارىنا كىرىپ، تىكەلەي ليتسەنزيا بۇيىردى.
بۇعان دەيىنگى وليمپيادالاردا 1996 جىلى 1/16 فينالدا ۆياچەسلاۆ گريگورەۆ، 2012 جىلى 1/16 فينالدا دميتري الەكسانين، 1/8 فينالدا ەلمير ءالىمجانوۆ، 2016 جىلى 1/16 فينالدا يليا موكرەتسوۆ، 2021 جىلى 1/8 فينالدا رۋسلان قۇربانوۆ ونەر كورسەتكەن بولاتىن.
