Olımpıada-2024: Qazaqstan semserlesýden alǵash ret tórt joldama aldy

Grýzııanyń Tbılısı qalasynda semserlesýden ótip jatqan Álem kýbogynyń sheshýshi kezeńinde sapy jattyǵýy boıynsha Qazaqstan erler quramasy Olımpıadanyń joldamasyn jeńip aldy, dep habarlady Týrızm jáne sport mınıstrligi.

Týrnırge ulttyq quramanyń sapynda Rýslan Qurbanov, Vadım Sharlaımov, Erlik Sertaı men Elmır Álimjanov qatysty.

Komandalyq joldamanyń arqasynda úsh sportshymyz birden jeke saıysta da Olımpıada júldesine talasady. Bul 1/8 fınalda Ońtústik Koreıa sportshylarynyń Chehııadan jeńilgenine baılanysty múmkin boldy.

Osylaısha, Qazaqstan quramasy jalpy reıtıngte TOP-4 memlekettiń qataryna kirip, tikeleı lıenzııa buıyrdy.

Buǵan deıingi Olımpıadalarda 1996 jyly 1/16 fınalda Vıacheslav Grıgorev, 2012 jyly 1/16 fınalda Dmıtrıı Aleksanın, 1/8 fınalda Elmır Álimjanov, 2016 jyly 1/16 fınalda Ilıa Mokreov, 2021 jyly 1/8 fınalda Rýslan Qurbanov óner kórsetken bolatyn.