SportPress.kz قازاقستان سپورت جاڭالىقتارى
ەلىمىزدىڭ پاراسپورتشىلارى 28 تامىز بەن 8 قىركۇيەك ارالىعىندا فرانتسيانىڭ پاريج قالاسىندا وتەتىن XVII پاراليمپيا ويىندارىنا ازىرشە 11 جولدامانى جەڭىپ الدى، دەپ حابارلادى تۋريزم جانە سپورت مينيسترلىگى.
پاراليمپيادادا جارىستار سپورتتىڭ 23 تۇرىنەن ۇيىمداستىرىلادى. قازاقستان ۇلتتىق قۇراماسى سپورتتىڭ 9 تۇرىنەن (پارا جەڭىل اتلەتيكا، پارا پاۋەرليفتينگ، پارا تاەكۆوندو، پارا ۇستەل تەننيسى، پارا ءجۇزۋ، پارا دزيۋدو، پارا كانوە، وتىرىپ وينايتىن ۆولەيبول، پارا نىسانا كوزدەۋ) ونەر كورسەتۋدى جوسپارلاپ وتىر.
ازىرشە وتىرىپ سپورتشىلار وينايتىن ۆولەيبولدان (ەرلەر قۇراماسى)، پارا جەڭىل اتلەتيكا بويىنشا يادرو لاقتىرۋدان، پارا كانوەدان، پارا پاۋەرليفتينگ پەن پارا نىسانا كوزدەۋدەن ءبىر-ءبىر ليتسەنزيا السا، پارا ءجۇزۋ مەن پارا تاەكۆوندو ءۇش-ۇشتەن جولداماعا يەلىك ەتىپ وتىر.
سونىمەن قاتار بيىل پاراليمپياداعا ليتسەنزيا بەرەتىن 23 جارىس جوسپارلانعان.
توكيو-2020 پاراليمپياداسىنا قازاقستان ۇلتتىق قۇراماسىنىڭ 25 سپورتشىسى قاتىسىپ، 5 مەدال (1 التىن، 3 كۇمىس جانە 1 قولا) جەڭىپ العان بولاتىن. ەلىمىز جالپىكوماندالىق ەسەپتە 48-ورىندا بولدى.
