Elimizde fýtboldan alǵash ret Áıelder lıgasy bastalady

Bıyl elimizde fýtboldan alǵash ret Áıelder lıgasy bastalady.

Jaqynda Qazaqstan Football League-synyń uıymdastyrýymen  QFL Áıelder lıgasy men QFL Áıelder kýbogy týrnıriniń jalaýy kóteriledi, dep habarlady Qazaqstan Football League.

Jarysqa elimizdiń tórt óńirinen «BIIK-Shymkent», «Ordabasy», «Aqtóbe», «Oqjetpes», «Tomırıs-Turan» klýbtary qatysady. Fýtbol dodasynyń jerebe tartý rásimi búgin, 2 sáýirde, Astana qalasynda túski 15:00-de (tikeleı efırdi QFL.KZ saıty, QFL TV YouTube arnasy jáne Q Football telearnasynan kóre alasyzdar) bolady.

Keıingi jyldary álemde áıelder fýtbolynyń damýyna erekshe nazar aýdarylyp keledi. Eýropanyń ózinde áıelder fýtbolyn 144 mln jankúıer tamashalasa, 2033 jyly olardyń sany 328 mln-ǵa deıin kóbeıedi dep josparlanǵan. QFL úshin osyndaı deńgeıdegi týrnırdi uıymdastyrý osy salanyń damýy úshin mańyzdy element retinde sanalady. Sebebi, búginde halyqaralyq federaııalarda birde-bir kommerııalyq nemese fýtbol naýqanyn áıelder fýtbolynsyz elestetý múmkin emes.

QFL Áıelder kýbogynyń birinshi jarysy 1-9 mamyr aralyǵynda Shymkent qalasyndaǵy «BIIK» sport kesheninde ótedi. Týrnır aınalymdyq júıede uıymdastyrylyp, ár komanda 4 matchtan oınaıdy. Kezdesýde teń esep qarastyrylmaǵan. Eger oıynnyń negizgi ýaqytynda esep teń bolsa, jeńimpaz birden penaltı serııasynda anyqtalady. Sondaı-aq, upaı 4 deńgeı boıynsha beriledi. Negizgi ýaqyttaǵy jeńimpazǵa  3 upaı, penaltıden jeńgen komanlaǵa 2 upaı, penaltıde ese jibergen klýbqa 1 upaı beriledi. Negizgi ýaqytta jol bergen komanda upaısyz qalady, — delingen habarlamada.

Al QFL Áıelder lıgasy 17 mamyr — 30 qazan aralyǵyna josparlanǵan. Lıga 4 aınalym boıynsha Shymkent, Túrkistan, Aqtóbe jáne Kókshetaý qalalarynda ótedi.

Týrnırlerdiń barlyq oıyndaryn Q Football, Q Arena, Q League telearnalary men QFL.KZ saıty tikeleı efırde kórsetedi.