Olımpıada chempıony 250 myń dollar alady

Týrızm jáne sport mınıstrligi memleket tarapynan bıylǵy jazǵy Olımpııalyq oıyndarda chempıon atanǵan jáne júlde alǵan sportshylar men olardyń jattyqtyrýshylaryna beriletin syıaqyny jarııalady.

Olımpıadanyń chempıony men júldegerine jáne olardyń jattyqtyrýshylaryna taǵaıyndalǵan syıaqy byltyr Mádenıet jáne sport mınıstriniń buıryǵyna sáıkes, tabys etiledi. Iaǵnı Olımpıada chempıony men onyń jattyqtyrýshysy 250 myń AQSh dollaryn, kúmis júldeger 150 myń dollar , qola medalıst 75 myń dollar alsa, tórtingi oryn alǵan sportshyǵa 30 myń dollar, besinshi oryndy ıelengen otandasymyzǵa 10 myń dollar, altynshy orynnan kóringen sańlaqqa 5 myń AQSh dollary kóleminde syıaqy tapsyrylady.

Sonymen birge kúmis medalıstiń jattyqtyrýshysyna da 150 myń dollar berilse, qola júldegerdiń bapkeri de sportshy sııaqty 75 myń dollar alady. Tórtinshi, besinshi jáne altynshy oryn alǵan sportshynyń jattyqtyrýshylary da tıisinshe 30 myń, 15 myń, 5 myń dollarmen marapattalady.

Buǵan deıin habarlanǵandaı, Boks federaııasynyń prezıdenti Shahmurat Mútálip Ramazan aıynyń qurmetine berilgen aýyzasharda Olımpıadada chempıony atanǵan boksshy men júldegerge jáne olardyń jattyqtyrýshylaryna beriletin syıaqynyń kólemin jarııalaǵan bolatyn. Federaııa prezıdenti Olımpıada chempıonyna 220 myń, kúmis júldegerge 120 myń, qola medalıske 70 myń, 4-oryn alǵan boksshyǵa 30 myń jáne 5-orynnan kóringen boksshyǵa 10 myń dollar kóleminde syıaqy beriletinin, bas jattyqtyrýshy men jattyqtyrýshylar alqasy oryn alǵan boksshy syıaqysynyń 30 paıyzyna para-par qarjylaı syıaqy alatynyn aıtty.

Olımpıada medaldary týraly aıta ketsek, bıylǵy júldeniń basqalardan basty aıyrmashylyǵy – medal ortasynda Eıfel munarasy beınelengen.

Osy bir altyn, kúmis jáne qola júldeniń eń basty qundy bóligi – Eıfel munarasymen ushtastyrý úshin úlken jumys atqaryldy, — delingen Halyqaralyq Olımpıada komıtetiniń saıtynda.

Jalpy esebi 5084 medal shyǵaryldy. Onyń ár qaısysynda 18 gramm Eıfel munarasy bar.

Parıjdegi jazǵy Olımpııalyq oıyndar 26 shilde men 11 tamyz aralyǵynda ótedi.