لەگيونەرلەردىڭ ماسەلەسى مايشاممەن قارالدى

سىبايلاس جەمقورلىققا قارسى قىزمەتتە اگەنتتىك توراعاسى اسقار جۇماعاليدىڭ باسشىلىعىمەن سپورتتى قارجىلاندىرۋ سالاسىنداعى جەمقورلىققا قارسى كۇرەس جونىندە ۆەدومستۆوارالىق ءماجىلىس ءوتتى، دەپ حابارلادى ۆەدومستۆو.

وعان اگەنتتىك باسشىسىنان باسقا تۋريزم جانە سپورت ءمينيسترى ەرمەك مارجىقپاەۆ، ۇلتتىق وليمپيادالىق كوميتەتىنىڭ پرەزيدەنتى گەننادي گولوۆكين، استانا قالاسىنىڭ اكىمى جەڭىس قاسىمبەك، قارجى جانە تسيفرلاندىرۋ ۆيتسە-مينيسترلەرى، «سامۇرىق-قازىنا» اق باسشىلىعى، قوعام قايراتكەرلەرى، ورتالىق جانە وڭىرلىك مەملەكەتتىك ورگاندار قاتىستى.

ماجىلىستە سپورتتى دامىتۋعا بولىنەتىن مەملەكەتتىك قاراجات ماسەلەسى تالقىلاندى. وندا قاراجاتتىڭ ۇتىمسىز جانە ءتيىمسىز جۇمسالىپ جاتقانىن ايتىلىپ، بيىل جىل باسىنان بەرى سپورت سالاسىندا 39 جەمقورلىق قىلمىستىڭ تىركەلگەنى اتاپ كورسەتىلدى.

اگەنتتىك توراعاسىنىڭ ايتۋىنشا، تەك سوڭعى 6 جىلدا وسى سالاداعى بيۋدجەت ەكى ەسەگە ءوسىپ، 1،4 ترلن تەڭگە بولدى. الايدا، قازاقستاننىڭ الەمدىك سپورتتاعى رەيتينگى ءتۇسىپ كەلەدى.

وسى سالا بيۋدجەتىنىڭ 90%-ى جۇمسالاتىن «جوعارى جەتىستىكتەر» جانە «بۇقارالىق» سپورتتى قارجىلاندىرۋ اراسىندا تەڭگەرىمسىزدىك بايقالادى. ال دامىعان ەلدەردە پروپورتسيالار مۇلدەم وزگەشە جانە بۇقارالىق سپورتقا قاراجات ءبولۋ باسىم.

قارجىلاندىرۋداعى ديسپروپورتسيا جەمقورلىق سحەمالارىنا نەگىز بولدى.

ەگەر بۇقارالىق سپورتتا قازىر تسيفرلاندىرىلعان جان باسىنا شاققانداعى قارجىلاندىرۋ باعدارلاماسى جۇمىس ىستەپ تۇرسا، وندا جوعارى جەتىستىكتەر سپورتىندا اشىق ەمەس جانە سۋبەكتيۆتى تولەمدەر، از باقىلاۋ، اففيليرلەنگەن قاتىسۋشىلار، جالعان وقۋ-جاتتىعۋلار جانە قوسارلانعان قارجىلاندىرۋعا جاعداي جاسالعان، – دەدى اگەنتتىك توراعاسى.

ونىڭ ايتۋىنشا، سپورتتا تسيفرلاندىرۋدىڭ بولماۋى قۇقىق بۇزۋشىلىقتار مەن قاراجاتتاردىڭ جىمقىرىلۋىنا قولايلى جاعداي تۋعىزىپ وتىر.

ەكى جىل بۇرىن جوسپارلانعان ە-sport اقپاراتتىق جۇيەسى وسى ۋاقىتقا دەيىن ىسكە قوسىلعان جوق. «سپورت شەبەرلەرى» جالعان اتاقتارىن بەرۋ فاكتىلەرى انىقتالدى.

ماجىلىستە سپورتشىلاردى ناتۋراليزاتسيالاۋ، كاسىپقوي كلۋبتاردىڭ بيۋدجەتتەرىن قالىپتاستىرۋ مەن لەگيونەرلەرگە تولەنەتىن قاراجات ماسەلەلەرى تالقىلاندى.

ەل پرەزيدەنتىنىڭ بيۋدجەت پەن جالاقى مولشەرىن شەكتەۋ جونىندەگى تاپسىرماسىنا قاراماستان، ەلىمىزدىڭ فۋتبول كاسىپوداق كلۋبتارى سوڭعى ءۇش جىلدا 30 ملرد تەڭگەدەن استام ۇستەمە اقى تولەدى.سونىمەن قاتار، ءوزىنىڭ سپورتتىق ينفراقۇرىلىمىن دامىتۋدىڭ ورنىنا بيۋدجەت قاراجاتى لەگيونەرلەرگە تولەم جاساۋعا جانە سپورت نىساندارىن جالعا الۋعا جۇمسالدى.

تالداۋ قورىتىندىسى بويىنشا اگەنتتىك سالالىق مينيسترلىكتىڭ اتىنا جەمقورلىقپەن كۇرەسكە ماسەلەسى ءوز ۇسىنىستارىن جىبەردى.

جيىندا ۆەدومستۆولىق باقىلاۋدى كۇشەيتۋ جانە ديسكرەتسيالىق وكىلەتتىكتەردى قىسقارتۋ، قاراجاتتى ءبولۋ پروتسەستەرىن ناقتى نورماتيۆتىك جانە قۇقىقتىق رەگلامەنتتەۋدى بەلگىلەۋ جانە بۇزۋشىلىقتار ءۇشىن جاۋاپكەرشىلىكتى دەربەستەندىرۋ، سونداي-اق بىرىڭعاي تسيفرلىق پلاتفورما قۇرۋ تۋرالى دا ماسەلە قارالدى.

ءوز سوزىندە تۋريزم جانە سپورت ءمينيسترى ەرمەك مارجىقپاەۆ مەملەكەتتىك ورگاننىڭ قازىرگى ۋاقىتتا ۇيىمدىق-قۇقىقتىق شارالار كەشەنىن قابىلداعانى تۋرالى حاباردار ەتىپ، جەمقورلىق تاۋەكەلدەرىن جويۋ بويىنشا بارلىق ۇسىنىمداردىڭ مىندەتتى تۇردە ورىندالاتىندىعىن ايتتى.

ۇلتتىق وليمپيادالىق كوميتەتىنىڭ پرەزيدەنتى گەننادي گولوۆكين دە سىبايلاس جەمقورلىققا قاتىستى ءوو پىكىرىن ءبىلدىردى.

مەنىڭ ۇستانىمىم بىرجاقتى. جەمقورلىقپەن كۇرەستە قاتاڭ شارالار قولدانۋ قاجەت، — دەدى ول.

كەڭەس قورىتىندىسى بويىنشا سىبايلاس جەمقورلىققا قارسى ۆەدومستۆونىڭ باسشىسى ۋاكىلەتتى ورگانداردى ەلدەگى سپورتتى دامىتۋ جونىندەگى تىكەلەي مىندەتتەردى مۇلتىكسىز ورىنداۋعا شاقىردى جانە جەمقورلىق بۇزۋشىلىقتاردىڭ جاسالۋىنا جول بەرمەۋ تۋرالى ەسكەرتتى.