SportPress.kz Qazaqstan sport jańalyqtary
Sybaılas jemqorlyqqa qarsy qyzmette agenttik tóraǵasy Asqar Jumaǵalıdiń basshylyǵymen sportty qarjylandyrý salasyndaǵy jemqorlyqqa qarsy kúres jóninde vedomstvoaralyq májilis ótti, dep habarlady vedomstvo.
Oǵan agenttik basshysynan basqa týrızm jáne sport mınıstri Ermek Marjyqpaev, Ulttyq olımpıadalyq komıtetiniń prezıdenti Gennadıı Golovkın, Astana qalasynyń ákimi Jeńis Qasymbek, qarjy jáne ıfrlandyrý vıe-mınıstrleri, «Samuryq-Qazyna» AQ basshylyǵy, qoǵam qaıratkerleri, ortalyq jáne óńirlik memlekettik organdar qatysty.
Májiliste sportty damytýǵa bólinetin memlekettik qarajat máselesi talqylandy. Onda qarajattyń utymsyz jáne tıimsiz jumsalyp jatqanyn aıtylyp, bıyl jyl basynan beri sport salasynda 39 jemqorlyq qylmystyń tirkelgeni atap kórsetildi.
Agenttik tóraǵasynyń aıtýynsha, tek sońǵy 6 jylda osy saladaǵy bıýdjet eki esege ósip, 1,4 trln teńge boldy. Alaıda, Qazaqstannyń álemdik sporttaǵy reıtıngi túsip keledi.
Osy sala bıýdjetiniń 90%-y jumsalatyn «joǵary jetistikter» jáne «buqaralyq» sportty qarjylandyrý arasynda teńgerimsizdik baıqalady. Al damyǵan elderde proporııalar múldem ózgeshe jáne buqaralyq sportqa qarajat bólý basym.
Qarjylandyrýdaǵy dısproporııa jemqorlyq shemalaryna negiz boldy.
Eger buqaralyq sportta qazir ıfrlandyrylǵan jan basyna shaqqandaǵy qarjylandyrý baǵdarlamasy jumys istep tursa, onda joǵary jetistikter sportynda ashyq emes jáne sýbektıvti tólemder, az baqylaý, affılırlengen qatysýshylar, jalǵan oqý-jattyǵýlar jáne qosarlanǵan qarjylandyrýǵa jaǵdaı jasalǵan, – dedi agenttik tóraǵasy.
Onyń aıtýynsha, sportta ıfrlandyrýdyń bolmaýy quqyq buzýshylyqtar men qarajattardyń jymqyrylýyna qolaıly jaǵdaı týǵyzyp otyr.
Eki jyl buryn josparlanǵan E-sport aqparattyq júıesi osy ýaqytqa deıin iske qosylǵan joq. «Sport sheberleri» jalǵan ataqtaryn berý faktileri anyqtaldy.
Májiliste sportshylardy natýralızaııalaý, kásipqoı klýbtardyń bıýdjetterin qalyptastyrý men legıonerlerge tólenetin qarajat máseleleri talqylandy.
El prezıdentiniń bıýdjet pen jalaqy mólsherin shekteý jónindegi tapsyrmasyna qaramastan, elimizdiń fýtbol kásipodaq klýbtary sońǵy úsh jylda 30 mlrd teńgeden astam ústeme aqy tóledi.Sonymen qatar, óziniń sporttyq ınfraqurylymyn damytýdyń ornyna bıýdjet qarajaty legıonerlerge tólem jasaýǵa jáne sport nysandaryn jalǵa alýǵa jumsaldy.
Taldaý qorytyndysy boıynsha agenttik salalyq mınıstrliktiń atyna jemqorlyqpen kúreske máselesi óz usynystaryn jiberdi.
Jıynda vedomstvolyq baqylaýdy kúsheıtý jáne dıskreııalyq ókilettikterdi qysqartý, qarajatty bólý proesterin naqty normatıvtik jáne quqyqtyq reglamentteýdi belgileý jáne buzýshylyqtar úshin jaýapkershilikti derbestendirý, sondaı-aq biryńǵaı ıfrlyq platforma qurý týraly da másele qaraldy.
О́z sózinde týrızm jáne sport mınıstri Ermek Marjyqpaev memlekettik organnyń qazirgi ýaqytta uıymdyq-quqyqtyq sharalar keshenin qabyldaǵany týraly habardar etip, jemqorlyq táýekelderin joıý boıynsha barlyq usynymdardyń mindetti túrde oryndalatyndyǵyn aıtty.
Ulttyq olımpıadalyq komıtetiniń prezıdenti Gennadıı Golovkın de sybaılas jemqorlyqqa qatysty óó pikirin bildirdi.
Meniń ustanymym birjaqty. Jemqorlyqpen kúreste qatań sharalar qoldaný qajet, — dedi ol.
Keńes qorytyndysy boıynsha Sybaılas jemqorlyqqa qarsy vedomstvonyń basshysy ýákiletti organdardy eldegi sportty damytý jónindegi tikeleı mindetterdi múltiksiz oryndaýǵa shaqyrdy jáne jemqorlyq buzýshylyqtardyń jasalýyna jol bermeý týraly eskertti.
