بوكسشى ۆلاديسلاۆا كۋحتا ماجارستاننىڭ ازاماتتىعىن الدى

بوكستان قازاقستاننىڭ ەكى دۇركىن چەمپيونى ۆلاديسلاۆا كۋحتا ماجارستاننىڭ ازاماتتىعىن الدى.

ول رەسمي تۇردە قازاقستان ازاماتتىعىنان باس تارتتى. ەندى سپورتشى رەسمي تۇردە ماجارستاننىڭ اتىنان حالىقارالىق تۋرنيرلەر مەن جارىستارعا قاتىسا الادى.

ماعان سەنىپ، ارمانىما جەتۋگە مۇمكىندىك بەرىپ جاتقان ماجارستاننىڭ ۇكىمەتى مەن مەنىڭ Halker-Kiraly Team كلۋبىما العىس ايتامىن. ءاربىر سپورتشىنىڭ ارمانى، ماقساتى بار. مەن وليمپياداعا قاتىسۋدى ارمانداپ ءجۇرمىن. بۇل مەنىڭ بۇرىننان بەرگى ارمانىم.

ماجارستاننىڭ ازاماتتىعىن العاننان كەيىن ەكىۇداي سەزىمدە بولىپ تۇرمىن. ءبىر جاعىنان قۋانىپ وتىرمىن، ەكىنشى جاعىنان قازاقستاندى دا قيمايمىن. قازاقستان ماعان ءبارى بەردى. سوندىقتان ول مەن ءۇشىن وتانىم بولىپ قالادى، — دەدى بوكسشى.

سونىمەن بىرگە ول بولاشاعىنا قاتىستى ويىن ايتىپ، الداعى ۋاقىتتا ءبارى دە وزىنە عانا بايلانىستى بولاتىنىن جاسىرمادى.

ۆلاديسلاۆا كۋحتا قوستاناي وبلىسى قاراسۋ اۋدانىنىڭ تۋماسى. ول 60 كەلىگە دەيىنگى سالماۇتا قۇولعاپ ءتۇيىستىرىپ ءجۇر. 2020 جىلى شەتەلدىڭ بوكس ماماندارى ۆلاديسلاۆا كۋحتا مەن ونىڭ جەكە جاتتىقتىرۋشىسى اقزام بارلىباەۆقا ماجارستاننىڭ ۇلتتىق قۇراما كومانداسىنا شاقىرعان بولاتىن. الايدا كۋحتا مەن ونىڭ باپكەرى ۇسىنىستان باس تارتتى. ماجارستاننىڭ ماماندارى بىلتىر ەكىنشى رەت ۇسىنىس ايتقاندا بوكسشى مەن ونىڭ جاتتىقتىرۋشىسى كەلىسىمىن بەردى.

بىلتىر كۋحتا العاش رەت ماجارستاننىڭ چەمپيوناتىنا قاتىسىپ، ءۇش جەكپە-جەكتى جەڭىپ، التىن جۇلدەنى يەلەندى.

داستان كەنجالين،

استانا