Boksshy Vladıslava Kýhta Majarstannyń azamattyǵyn aldy

Bokstan Qazaqstannyń eki dúrkin chempıony Vladıslava Kýhta Majarstannyń azamattyǵyn aldy.

Ol resmı túrde Qazaqstan azamattyǵynan bas tartty. Endi sportshy resmı túrde Majarstannyń atynan halyqaralyq týrnırler men jarystarǵa qatysa alady.

Maǵan senip, armanyma jetýge múmkindik berip jatqan Majarstannyń Úkimeti men meniń Halker-Kiraly Team klýbyma alǵys aıtamyn. Árbir sportshynyń armany, maqsaty bar. Men Olımpıadaǵa qatysýdy armandap júrmin. Bul meniń burynnan bergi armanym.

Majarstannyń azamattyǵyn alǵannan keıin ekiudaı sezimde bolyp turmyn. Bir jaǵynan qýanyp otyrmyn, ekinshi jaǵynan Qazaqstandy da qımaımyn. Qazaqstan maǵan bári berdi. Sondyqtan ol men úshin Otanym bolyp qalady, — dedi boksshy.

Sonymen birge ol bolashaǵyna qatysty oıyn aıtyp, aldaǵy ýaqytta bári de ózine ǵana baılanysty bolatynyn jasyrmady.

Vladıslava Kýhta Qostanaı oblysy Qarasý aýdanynyń týmasy. Ol 60 kelige deıingi salmauta quolǵap túıistirip júr. 2020 jyly sheteldiń boks mamandary Vladıslava Kýhta men onyń jeke jattyqtyrýshysy Aqzam Barlybaevqa Majarstannyń ulttyq qurama komandasyna shaqyrǵan bolatyn. Alaıda Kýhta men onyń bapkeri usynystan bas tartty. Majarstannyń mamandary byltyr ekinshi ret usynys aıtqanda boksshy men onyń jattyqtyrýshysy kelisimin berdi.

Byltyr Kýhta alǵash ret Majarstannyń chempıonatyna qatysyp, úsh jekpe-jekti jeńip, altyn júldeni ıelendi.

Dastan KENJALIN,

ASTANA