Bokstan jastar jáne jasóspirimder quramalaryna jańa jattyqtyrýshylar keldi (VIDEO)

Bokstan Qazaqstan jastar qurama komandasynyń jattyqtyrýshylar quramynda ózgeris boldy.  

Boks federaııasynyń habarlaýynsha, Qazaqstan jastar quramasynyń aǵa jattyqtyrýshysy qyzmetine Qaırat Sátjanov taǵaıyndaldy.

Ol Ádil Basyǵaraevty almastyrdy.

Qaırat Sátjanov eńbek jolynda jasóspirimder komandasynan basqa, eresekter arasyndaǵy ulttyq qurama komandany da jattyqtarǵan. Sátjanovtyń jetekshiligimen boksshylar Serbııada ótken álem chempıonatynda 2 altyn, 2 kúmis, 1 qola medal jeńip alǵan bolatyn.

Qaırat Tursynqanuly — Qazaqstannyń eńbek sińirgen jattyqtyrýshysy. 2011-2019 jyldar aralyǵynda Qazaqstan jasóspirimder quramasyn jattyqtyrǵan. 2013 jylǵy álem chempıonatynda komanda 2 altyn, 1 kúmis, 5 qola medal enshilese, 2015 jylǵy dúnıejúzilik dodada 1 altyn, 1 kúmis, 3 qola júldeni jeńip alǵan.

2019-2021 jyldary jastar quramasynyń aǵa jattyqtyrýshysy boldy. 2021 jylǵy álem chempıonatynda 2 altyn, 2 kúmis jáne 1 qola medal ıelendi. Al 2021-2022 jyldar aralyǵynda ulttyq quramamyzdyń bas bapkeri bolyp, 2021 jylǵy dúnıejúzilik dodada 2 altyn, 2 kúmis, 1 qola medalmen jalpykomandalyq esepte ekinshi oryndy alyp berdi.

Áıelder quramasynda da  jattyqtyrýshylar aýysty. Qyzdar arasyndaǵy jastar quramasyna Jangeldi Ahmetov aǵa bapker bolyp taǵaıyndaldy.

Bokstan áıelder arasyndaǵy Qazaqstan jastar quramasynda aǵa jattyqtyrýshy almasty. Bul qyzmetke Ahmetov Jangeldi Álimjanuly taǵaıyndaldy.

Jangeldi Álimjanuly — Qazaqstannyń eńbek sińirgen jattyqtyrýshysy. Jattyqtyrýshylyq tájirıbesi 25 jyldy quraıdy. Búginge deıin Jetisý oblysynyń áıelder arasyndaǵy aǵa jattyqtyrýshysy qyzmetin atqardy.

Bul qyzmette Jangeldi Ahmetov áıelder quramasynyń bas bapkerligine taǵaıyndalǵan Eldos Saıdalındi almastyrdy.

Sonymen birge bokstan Qazaqstan jasóspirim komandasyna Maqsat Ospanov, jasóspirim qyzdar komandasyna Aıbek Ábildá jetekshilik etedi.

Qazaqstan boks federaııasy Tóreshiler alqasynyń tóraǵasy da almasty.

Qaırat Jumanqulovtyń ornyna Dinmuhamed Abaıhan taǵaıyndaldy.

Dinmuhamed Abaıhanuly 2012 jyldan bastap bokstan tóreshilik qyzmet atqarady. 2023 jyldan bastap Halyqaralyq dárejedegi IVA 2* tóreshisi.

Dastan KENJALIN,

ASTANA

 

View this post on Instagram

 

A post shared by Tukeshov Zhalgas (@tukeshov_official)