الماتىعا جاۋىنگەر پالۋاندار جينالدى

الماتىداعى «دوستىق» سپورت كەشەنىندە سامبو جانە جاۋىنگەرلىك سامبودان رەسپۋبليكالىق اشىق  تۋرنير مارەسىنە جەتتى. ەكى كۇنگە ۇلاسقان تارتىستى تۋرنيرگە ەلىمىزدىڭ بەلدى پالۋاندارى مەن رەسەي، تاجىكستان، قىرعىزستان، وزبەكستان، تاجىكستان، بەلارۋس ەلىنىڭ وكىلدەرى قاتىستى.

7 مامىر وتان قورعاۋشىلار جانە 9 مامىر جەڭىس كۇنىنە وراي ۇيىمداستىرىلعان تۋرنير تارتىستى ءوتتى. قازاقستاننىڭ گەنەرالدار كەڭەسىنىڭ كۋبوگى ءۇشىن ۇيىمداستىرىلعان سايىستا 200-دەن اسا پالۋان  بەلدەسۋگە ءتۇستى. 9 سالماق دارەجەسى بويىنشا جۇلدەلەر ساراپقا سالىنىپ، تارتىستى سايىستىڭ كورىگى قىزدى.

جەڭىمپازدار مەن جۇلدەگەرلەرگە ەستەلىك ديپلوم مەن قارجىلاي سىياقى بەرىلدى.

«جۋىردا عانا «الماتى بارىسى» تۋرنيرىنە قاتىسىپ، جولىم بولمادى، وسى سايىستا بارىمدى سالدىم. فينالدىق بەلدەسۋگە جاراقاتىم سىر بەرىپ جەتە المادىم. بۇيىرعانى قولا مەدال بولدى. بولاشاقتا سامبو كۇرەسىنەن الەم چەمپيوناتى سىندى بايراقتى دودالارعا قاتىسىپ، ەلىمىزدىڭ كوك تۋىن جەلبىرەتسەم»، دەيدى سامبو كۇرەسىنەن سپورت شەبەرى، ءتۋرنيردىڭ قولا جۇلدەگەرى اسحات راحمەتوۆ.

 قۋانىش نۇردانبەك،

 الماتى