اكەم التى اي بويى بوكسپەن اينالىسۋعا ۇگىتتەدى — كارينا يبراگيموۆا (ۆيدەو)

بوكستان ايەلدەر قۇراماسى ساپىندا كارينا يبراگيموۆا ازىرشە بيىلعى وليمپيالىق ويىندارىنا جالعىز جولدامانى يەلەنىپ وتىر. ول پاريج وليمپياداسىنىڭ جولداماسىن بىلتىر قىتايدىڭ حانچجوۋ قالاسىندا وتكەن ازيا ويىندارىندا جەڭىپ الدى.

57 كەلىگە دەيىنگى سالماقتا ونەر كورسەتەتىن وتانداسىمىز جارىستىڭ فينالىندا تايبەيلىك يۋتين لينمەن جۇدىرىقتاسىپ، تورەشىلەر شەشىمىمەن قارسىلاسىنا جول بەردى. ءسويتىپ، كارينا يبراگيموۆا ازيادا قورىتىندىسى بويىنشا كۇمىس جۇلدەنى الىپ، وليمپيادا ليتسەنزياسىنا يە بولدى.

ەندى 23 مامىر مەن 5 ماۋسىم ايىنىڭ باسى ارالىعىندا تايلاندتىڭ بانگكوك قالاسىندا تاعى ءىر الەمدىك ليتسەنزيالىق تۋرنير بولادى. قازىر ەلىمىزدىڭ ايەلدەر قۇراماسى وسى دوداعا جان-جاقتى دايىندالىپ جاتىر. ال پاريج وليمپياداسىنىڭ باستالۋىنا ساناۋلى ايلار عانا قالدى. وسى رەتتە قازاقستان بوكسشىلارىنا ۇلتتىق قۇرامانىڭ قورجىنىن مەيىلىنشە كوپ جولدامامەن تولىقتىرۋ مىندەتى قويىلىپ وتىر.

ۇلتتىق قۇراما ساپىنان پاريج وليمپياداسىنا ليتسەنزيا جەڭىپ العان سپورتشىنىڭ ءبىرى – بوكستان ايەلدەر قۇراماسىنىڭ وكىلى كارينا يبراگيموۆانىڭ ايتۋىنشا، ونىڭ ازيا ويىندارىنداعى باستى ماقساتى – ليتسەنزيانى جەڭىپ الۋ بولدى. ءسويتىپ، ول ماقساتىنا جەتتى.

كارينا سپورتپەن 2012 جىلدان بەرى اينالىسادى. ول سپورتقا كەزدەيسوق كەلگەن ەكەن. يبراگيموۆتەر اۋلەتىنىڭ دوسى بوكستان جاتتىقتىرۋشى بولىپتى. كارينانىڭ اكەسى دە بوكستىڭ ۇلكەن جانكۇيەرى ەدى. ءسويتىپ، اكەسى مەن دوسى كارينانى التى اي بويى بوكسپەن شۇعىلدانۋعا ۇگىتتەگەن. وسىلايشا، كارينانىڭ العاشقى جاتتىقتىرۋشىسى جانە تالىمگەرى اكەسىنىڭ دوسى بولدى.

مەن بار بولعانى اكەمنىڭ كوڭىلى ورنىندا بولۋ ءۇشىن بوكسقا بارۋعا شەشىم قابىلدادىم. سول كەزدە ءبىز اۋىلدا تۇراتىنبىز. باپكەرىم بوكس – وليمپيالىق سپورت ەكەنىن ايتقان كەزدە «قايداعى وليمپيادا؟» دەپ ويلادىم. مەن جانە وليمپيالىق ويىندار – اسپان مەن جەر سياقتى كورىندى، — دەدى بوكسشى.

قازىر كارينا وليمپياداعا جولدامانى العان سوڭ، ءپاريجدىڭ تورىنە كەرىلەتىن شارشى الاڭدا ەلىمىزدىڭ نامىسىن قولدان بەرمەۋگە تىرىساتىنىن ايتادى.

ازيا ويىندارىنىڭ تاريحىندا ايەلدەر بوكسىنداعى ەڭ ۇزدىك ناتيجەنى جاينا شەكەربەكوۆا كورسەتكەن بولاتىن. ول دا كۇمىس جۇلدەگەر اتانعان. ال مەن جاي عانا تاريحتى جاڭارتىپ، ازيادادا قازاقستانعا كوپتەن كۇتكەن التىن مەدال اكەلگىم كەلدى. ەندى وليمپيادادا بار كۇش-جىگەرىمزى سالىپ، جۇلدە الۋعا تىرىسامىن، — دەدى ول.

ەسكە سالساق، 8-10 ءساۋىر ارالىعىندا استانادا بوكستان سپاررينگتىك جەكپە-جەكتەر وتەدى. وسى جەكپە-جەەكتەردە تايلاندتا وتەتىن ليتسەنزيالىق تۋرنيرگە قاتىساتىن ايەلدەر قۇراماسى انىقتالادى.

سپاررينگ تۋرنيرگە مىنا بوكسشىلار قاتىسادى:

50 كەلى:
نازىم قىزايباي
الۋا بالقىبەكوۆا

54 كەلى:
انەل ساقىش
جاينا شەكەربەكوۆا
دينا جولامان
بالاۋسا مۇزدىمان
ەلينا بازاروۆا
ۇلجان سارسەنبەك
سىمبات الياسقار

66 كەلى:
جاسمين قيزاتوۆا
لاۋرا ەسەنكەلدى
ناتاليا بوگدانوۆا
داريعا شاكىموۆا

ميلانا سافرونوۆا

75 كەلى:
گۇلسايا ەرجان
ۆالەنتينا حالزوۆا
جىبەك جاراسقىزى.

 

View this post on Instagram

 

A post shared by قر تۋريزم جانە سپورت مينيسترلىگى (@turizm_sport_ministrligi)