Ákem alty aı boıy bokspen aınalysýǵa úgittedi — Karına Ibragımova (VIDEO)

Bokstan áıelder quramasy sapynda Karına Ibragımova ázirshe bıylǵy Olımpııalyq oıyndaryna jalǵyz joldamany ıelenip otyr. Ol Parıj Olımpıadasynyń joldamasyn byltyr Qytaıdyń Hanchjoý qalasynda ótken Azııa oıyndarynda jeńip aldy.

57 kelige deıingi salmaqta óner kórsetetin otandasymyz jarystyń fınalynda taıbeılik Iýtın Lınmen judyryqtasyp, tóreshiler sheshimimen qarsylasyna jol berdi. Sóıtip, Karına Ibragımova Azıada qorytyndysy boıynsha kúmis júldeni alyp, Olımpıada lıenzııasyna ıe boldy.

Endi 23 mamyr men 5 maýsym aıynyń basy aralyǵynda Taılandtyń Bangkok qalasynda taǵy ir álemdik lıenzııalyq týrnır bolady. Qazir elimizdiń áıelder quramasy osy dodaǵa jan-jaqty daıyndalyp jatyr. Al Parıj Olımpıadasynyń bastalýyna sanaýly aılar ǵana qaldy. Osy rette Qazaqstan boksshylaryna ulttyq quramanyń qorjynyn meıilinshe kóp joldamamen tolyqtyrý mindeti qoıylyp otyr.

Ulttyq qurama sapynan Parıj Olımpıadasyna lıenzııa jeńip alǵan sportshynyń biri – bokstan áıelder quramasynyń ókili Karına Ibragımovanyń aıtýynsha, onyń Azııa oıyndaryndaǵy basty maqsaty – lıenzııany jeńip alý boldy. Sóıtip, ol maqsatyna jetti.

Karına sportpen 2012 jyldan beri aınalysady. Ol sportqa kezdeısoq kelgen eken. Ibragımovter áýletiniń dosy bokstan jattyqtyrýshy bolypty. Karınanyń ákesi de bokstyń úlken jankúıeri edi. Sóıtip, ákesi men dosy Karınany alty aı boıy bokspen shuǵyldanýǵa úgittegen. Osylaısha, Karınanyń alǵashqy jattyqtyrýshysy jáne tálimgeri ákesiniń dosy boldy.

Men bar bolǵany ákemniń kóńili ornynda bolý úshin boksqa barýǵa sheshim qabyldadym. Sol kezde biz aýylda turatynbyz. Bapkerim boks – olımpııalyq sport ekenin aıtqan kezde «qaıdaǵy Olımpıada?» dep oıladym. Men jáne Olımpııalyq oıyndar – aspan men jer sııaqty kórindi, — dedi boksshy.

Qazir Karına Olımpıadaǵa joldamany alǵan soń, Parıjdiń tórine keriletin sharshy alańda elimizdiń namysyn qoldan bermeýge tyrysatynyn aıtady.

Azııa oıyndarynyń tarıhynda áıelder boksyndaǵy eń úzdik nátıjeni Jaına Shekerbekova kórsetken bolatyn. Ol da kúmis júldeger atanǵan. Al men jaı ǵana tarıhty jańartyp, Azıadada Qazaqstanǵa kópten kútken altyn medal ákelgim keldi. Endi Olımpıadada bar kúsh-jigerimzi salyp, júlde alýǵa tyrysamyn, — dedi ol.

Eske salsaq, 8-10 sáýir aralyǵynda Astanada bokstan sparrıngtik jekpe-jekter ótedi. Osy jekpe-jeekterde Taılandta ótetin lıenzııalyq týrnırge qatysatyn áıelder quramasy anyqtalady.

Sparrıng týrnırge myna boksshylar qatysady:

50 keli:
Nazym Qyzaıbaı
Alýa Balqybekova

54 keli:
Anel Saqysh
Jaına Shekerbekova
Dına Jolaman
Balaýsa Muzdyman
Elına Bazarova
Uljan Sársenbek
Symbat Álıasqar

66 keli:
Jasmın Qızatova
Laýra Esenkeldi
Natalıa Bogdanova
Darıǵa Shákimova

Mılana Safronova

75 keli:
Gúlsaıa Erjan
Valentına Halzova
Jibek Jarasqyzy.

 

View this post on Instagram

 

A post shared by QR Týrızm jáne sport mınıstrligi (@turizm_sport_ministrligi)