Гимнастшы Ілияс Азизов Challenge Cup турнирінің жеңімпазы атанды

Ілияс Азизов спорттық гимнастикадан Хорватияның Осиек қаласында өткен Challenge Cup кезеңінде жеңіске жетті, деп хабарлады Туризм және спорт министрлігінің Спортты дамыту дирекциясы.

Ұлттық құрама спортшысы ат снарядындағы жаттығуда 14.600 балл жинап, алтын жүлдені жеңір алды.

Ол бір күн бұрын осы бағдарламаның іріктеуінде де ең көп ұпай жинады (14.650). Бұл — Азизовтың осы турнирдегі екінші жүлдесі. Оған дейін ол еркін жаттығуда күміс медаль алған.

Ат снарядында күміс медальді Олимпиада (2008) және әлем чемпионатының (2014) күміс жүлдегері Филип Уденің (Хорватия) ие болды. Ол 14.300 ұпай жинады. Үздік үштікті тағы бір хорват гимнастшысы Марко Самболек (14.000 балл) түйіндеді.