Sparrıngtik týrnır: álem chempıony jas boksshydan jeńildi

Astanada bokstan ótip jatqan bokstan sparrıngtik týrnırde 54 keli salmaqtaǵy úshinshi jekpe-jekte álem chempıony, Qazaqstannyń 9 dúrkin chempıony Dına Jolaman jas boksshy Symbat Álıasqardlan jeńilip qaldy.  

Osylaısha, 31 jastaǵy tájirıbeli boksshy irikteý týrnırin birinshi aınalymda aıaqtady. Odan keıin osy salmaqtaǵy Anel Saqysh pen Sánııa Sultanqyzy sharshy alańǵa shyǵyp, jartylaı fınaldyq jupty anyqtady.

Bul aıqasta birinshi  raýndta 4:1 esebimen Anel Saqysh alǵa shyqsa, ekinshi raýndta Sánııa Sultanqyzy 3:2 esebimen óz basymdyǵyn kórsetti. Sóıtip, sońǵy sózdi tóreshiler alyp, Anel Saqyshty jeńimpaz dep tanydy.

Endi jartylaı fınalda Anel Saqysh pen Symbat Álıasqar kezdesedi. Ekinshi jartylaı fınalda Uljan Sársenbek pen Jaına Shekerbekova judyryqtasady.

66 keli salmaqtaǵy jekpe-jekte Rıo Olımpıadasynyń júldegeri, Azııa chempıony Darıǵa Shákimova men Azııa oıyndarynyń qola júldegeri Natalıa Bogdanova qolǵap túıistirdi.

Tartysty jekpe-jekte tóreshiler sheshimimen Natalıa Bogdanova jeńiske jetip, jartylaı fınalǵa shyqty.

Onyń kelesi qarsylasy — álem chempıonatynyń júldegeri Mılana Safronova.

Dastan KENJALIN,

ASTANA