SportPress.kz Qazaqstan sport jańalyqtary
Týrızm jáne sport mınıstrligi Sport jáne dene shynyqtyrý komıtetiniń «Sportty damytý dırekııasy» Parıjdegi jazǵy Olımpıadaǵa arnalǵan Qazaqstan ulttyq quramasynyń kıim formasy men oǵan qosymsha kerek-jaraq jabdyqtardyń dızaın tujyrymdamasyn ázirleýge arnalǵan konkýrs qaıtadan jarııalanǵanyn habarlady.
Osyǵan deıingi aqpan aıynda bastalǵan ulttyq quramanyń kıim formasy men oǵan qosymsha kerek-jaraq jabdyqtardyń dızaın tujyrymdamasyn ázirleýge arnalǵan konkýrsta qatysýshylardyń eshbir eskızi komıssııa músheleriniń kóńilinen shyqpaýyna baılanysty komıssııa alǵashqy konkýrsty ótpedi dep sheshim shyǵardy.
Kıimder tý ustaýshylar, saltanatty rásim men jattyǵýǵa arnalǵan juptan turady. Konkýrs kezinde kelip túsken jumystardy arnaıy komıssııa quramy qarap, ortaq sheshim qabyldaıdy. Jumys tobynyń qataryna Týrızm jáne sport mınıstrligi Sport jáne dene shynyqtyrý komıteti,Ulttyq Olımpıada komıteti, Qazaqstan sportshylary odaǵynyń ókilderi, dańqty sportshylarymyz ben BAQ qyzmetkerleri kiredi. Bul qatarda Eldos Smetov, Serik Sápıev, Azamat Dáýletbekov, Jámıla Baqbergenova, Olga Rypakova, Ábıba Abýjaqynova, Anna Alıabeva, Nurbek Oralbaı, Nursultan Tursynovty atap ótýge bolady. Komıssııa tóraǵasy – Sportty damytý dırekııasynyń dırektory Erlan Estek.
Konkýrs eki kezeńge sozylady. Árbir kezeń jeńimpazy Ereje sharttaryna sáıkes komıssııa otyrysynda anyqtalady.
Birinshi kezeńde komıssııa konkýrsqa qatysýshylar ótinishterin, materıaldaryn qabyldap, qaraıdy. Birinshi kezeń 10 sáýirde saǵat 20:00-den bastalyp, 15 sáýirde saǵat 18:30 deıin bolady.
Ekinshi kezeńde konkýrs jeńimpazdary anyqtalyp, jarııalanady. Bul kezeń 16-17 sáýir aralyǵynda bolady.
Konkýrsqa qatysýshylarǵa túsindirý jumysyna jáne jalpy konkýrs ótkizýge TSM Sport jáne dene shynyqtyrý komıteti Sportty damytý dırekııasynyń Memlekettik satyp alý bóliminiń bastyǵy Erjan Asqarov jaýapty.
Konkýrstyń erejesin, buıryq pen komıssııa quramy men UOK komandasynyń kıim formasyna qatysty biryńǵaı nusqaýlyǵy myna jerden kórýge bolady.
