استانادا جاستار اراسىنداعى ازيا چەمپيوناتى وتەدى

استانادا 25 ءساۋىر مەن 8 مامىر ارالىعىندا Beeline Arena سپورت كەشەنىندە جاستار جانە U-22 بوكسشىلار اراسىنداعى ASBC ازيا چەمپيوناتى وتەدى، دەپ حابارلادى قازاقستان بوكس فەدەراتسياسى.

قۇرلىقتىق دوداعا ازيانىڭ 25 مەملەكەتىنەن 500-دەن استام بوكسشى قاتىسادى. ەكى جاس ارالىعىندا جىگىتتەر مەن قىزدار اراسىندا وتەتىن باسەكە وليمپيالىق جۇيە بويىنشا ۇيىمداستىرىلادى.

U-22 (2002-2005 ج.ت. ارالىعى):

جىگىتتەر اراسىنداعى جەكپە-جەكتەر – 46-48، 51، 54، 57، 60، 63،5، 67، 71، 75، 80، 86، 92 جانە 92 كەلىدەن اسا سالماقتا بولادى.

قىزدار – 45-48، 50، 52، 54، 57، 60، 63، 66، 70، 75، 81 مەن 81 كەلىدەن جوعارى سالماقتا قولعاپ تۇيىستىرەدى.

جاستار (2006-2007 ج.ت. ارالىعى):

جاس جىگىتتەر – 46-48، 51، 54، 57، 60، 63،5، 67، 71، 75، 80، 86، 92 مەن 92 كەلىدەن اسا سالماقتا شارشى الاڭعا شىعادى.

بويجەتكەندەر – 46-48، 50، 52، 54، 57، 60، 63، 66، 70، 75، 81 مەن 81 كەلىدەن جوعارى سالماقتاعى ۇولعاپ تۇيىستىرەدى.

جەكپە-جەكتەردى QAZSPORT تەلەارناسى كورسەتەدى. سونداي-اق، قازاقستان بوكس فەدەراتسياسىنىڭ Youtube ارناسىندا دا تىكەلەي كورسەتىلىم ۇيىمداستىرىلادى. ال فينالدىق ايقاستار 7-8 مامىرعا جوسپارلانعان.

كورەرمەن ءۇشىن كىرۋ تەگىن.

قازاقستان بوكس فەدەراتسياسى بۇعان دەيىن دە جاسوسپىرىمدەر مەن جاستار اراسىندا قۇرلىقتىق چەمپيوناتتاردى ۇيىمداستىرعان. 2007 جىلى الماتىدا جاستار اراسىنداعى ازيا چەمپيوناتى وتكەن. 2013 جىلى شىمكەنت قالاسىylf جاسوسپىرىمدەر اراسىنداعى قۇرلىق چەمپيوناتى جالاۋىن كوتەردى. ال 2016 جىلى سارى قۇرلىق چەمپيوناتى پاۆلوداردا ءوتتى. سونىمەن قاتار، بىلتىر ەلوردادا جاسوسپىرىمدەر جانە جاستار اراسىندا ازيا چەمپيوناتى بولدى. ەندى مىنە، ەلىمىز U-22 ازيا چەمپيوناتىن دا ۇيىمداستىرعالى وتىر.