Astanada jastar arasyndaǵy Azııa chempıonaty ótedi

Astanada 25 sáýir men 8 mamyr aralyǵynda Beeline Arena sport kesheninde jastar jáne U-22 boksshylar arasyndaǵy ASBC Azııa chempıonaty ótedi, dep habarlady Qazaqstan boks federaııasy.

Qurlyqtyq dodaǵa Azııanyń 25 memleketinen 500-den astam boksshy qatysady. Eki jas aralyǵynda jigitter men qyzdar arasynda ótetin báseke olımpııalyq júıe boıynsha uıymdastyrylady.

U-22 (2002-2005 j.t. aralyǵy):

Jigitter arasyndaǵy jekpe-jekter – 46-48, 51, 54, 57, 60, 63,5, 67, 71, 75, 80, 86, 92 jáne 92 keliden asa salmaqta bolady.

Qyzdar – 45-48, 50, 52, 54, 57, 60, 63, 66, 70, 75, 81 men 81 keliden joǵary salmaqta qolǵap túıistiredi.

Jastar (2006-2007 j.t. aralyǵy):

Jas jigitter – 46-48, 51, 54, 57, 60, 63,5, 67, 71, 75, 80, 86, 92 men 92 keliden asa salmaqta sharshy alańǵa shyǵady.

Boıjetkender – 46-48, 50, 52, 54, 57, 60, 63, 66, 70, 75, 81 men 81 keliden joǵary salmaqtaǵy uolǵap túıistiredi.

Jekpe-jekterdi QAZSPORT telearnasy kórsetedi. Sondaı-aq, Qazaqstan boks federaııasynyń Youtube arnasynda da tikeleı kórsetilim uıymdastyrylady. Al fınaldyq aıqastar 7-8 mamyrǵa josparlanǵan.

Kórermen úshin kirý tegin.

Qazaqstan boks federaııasy buǵan deıin de jasóspirimder men jastar arasynda qurlyqtyq chempıonattardy uıymdastyrǵan. 2007 jyly Almatyda jastar arasyndaǵy Azııa chempıonaty ótken. 2013 jyly Shymkent qalasyylf jasóspirimder arasyndaǵy qurlyq chempıonaty jalaýyn kóterdi. Al 2016 jyly Sary qurlyq chempıonaty Pavlodarda ótti. Sonymen qatar, byltyr elordada jasóspirimder jáne jastar arasynda Azııa chempıonaty boldy. Endi mine, elimiz U-22 Azııa chempıonatyn da uıymdastyrǵaly otyr.