Erjet Jarlyqasyn grek-rım kúresinen Azııa chempıony ataǵyn jeńip aldy

Kúres túrlerinen Qyrǵyzstannyń Bishkek qalasynda ótip jatqan Azııa chempıonatynda ulttyq quramanyń grek-rım kúresinen balýany Erjet Jarlyqasyn altyn medaldi jeńip aldy.

Ol fınalda (63 kg) 25 jastaǵy Japonııanyń ókili, XIX jazǵy Azııa oıyndarynyń kúmis júldegeri Aıata Sýzýkıdi jeńdi. Beldesý 6:6 esebimen aıaqtalǵan. Upaı sapasy jaǵynan qazaq balýany basym boldy.

Kúndizgi sessııada Jarlyqasyn jartylaı fınalda Soltústik Koreıa ókili Chan Kımdi 5:3 esebimen jeńip, shırek fınalda Saýd Arabııanyń sportshysy Havsavıdiń jaýyrynyn jerge tıgizgen. Onyń aldynda qazaq atleti alǵashqy beldesýinde Ońtústik Koreıa ókilin 6:4 esebimen tize búktirgen.

Bul – 23 jastaǵy Erjet Jarylqasynnyń eresekter arasyndaǵy alǵashqy jarysy áli alǵashqy halyqaralyq jarystaǵy júldesi.

Shamken BAIYRBEK,

ASTANA