SportPress.kz Қазақстан спорт жаңалықтары
Грек-рим күресінен Қазақстан командасының мүшесі Ибрагим Магомадов Қырғызстанда өтіп жатқан Азия чемпионатының қола жүлдегері атанды, деп хабарлады Olympic.kz.
77 келі салмақ дәрежесінде сынға түскен Ибрагим Магомадов қола медаль үшін күресте Иран балуанынан 4:3 есебімен басым түсті.
Магомадов турнирде әлем чемпионы, қырғызстандық Ақжол Махмұдовқа есе жіберген болатын.
Бұл — 33 жастағы спортшының жаңа салмақтағы алғашқы жетістігі. Былтырғы Азия чемпионатында Ибрагим Магомадов 72 келі салмақта алтын жүлдені жеңіп алды.
Бүгін грек-рим күресінен 63 келі салмақта бақ сынаған Ержет Жарлықасын Азия чемпионатының алтын медалін жеңіп алды.
