وليمپيادانى ۇيىمداستىرۋشىلار بارلىق سپورت تۇرىنە بيلەت ساتىلىمىن جاريالادى

بيىل پاريجدە وتەتىن وليمپيالىق ويىنداردىڭ ۇيىمداستىرۋ كوميتەتى  سپورتتىق ءىس-شارالارعا بيلەتتەردىڭ جاپپاي ساتىلىمى باستالعانىن جاريالادى، دەپ حابارلادى Olympic.kz.

اكتسيا كەشە باستالدى. ۇيىمداستىرۋشىلار بيلەت ساتىپ الىپ ۇلگەرمەگەن جانكۇيەرلەرگە سىيلىق جاساپ، وليمپيادانىڭ باستالۋىنا 100 كۇن قالۋىن اتاپ ءوتتى.

وسى ءىس-شارادا 250 مىڭ بيلەت ساتىلىمعا شىعارىلدى.

بيلەتتەردىڭ ەڭ تومەنگى باعاسى 24 ەۋرو بولدى. ۇيىمداستىرۋشىلار مۇنداي بيلەتتەردىڭ 20 مىڭ داناسىن ۇسىندى. باسقا بيلەتتەردىڭ باعاسى سپورت تۇرىنە بايلانىستى بولىپ، ول شامامەن 1 000 ەۋروعا دەيىن بارادى.

ولاردى ءالى دە ينتەرنەت ارقىلى تەك رەسمي بيلەت پلاتفورماسىنان ساتىپ الۋعا بولادى. قوناقجايلىق پاكەتتەرى دە بار. وندا بيلەتتەرمەن بىرگە تۇرعىن ءۇي ۇسىنىلادى. جانكۇيەرلەر ءوزىنىڭ شاماسىنا قاراي كەز-كەلگەن ورنالاساتىن جەردى تاڭداي الادى.

قوناقجايلىق پاكەتتەردى On Location پلاتفورماسى ارقىلى ساتىپ الۋعا مۇمكىندىك قاراستىرىلعان، — دەلىنگەن حابارلامادا.

وليمپيادا جانە پاراليمپيادا ويىندارىنا بيلەتتەردىڭ جالپى سانى 13 ميلليوننان اسادى.

2024 جىلعى وليمپيادا پاريجدە 26 شىلدە مەن 11 تامىز ارالىعىندا وتەدى.