Olımpıadany uıymdastyrýshylar barlyq sport túrine bılet satylymyn jarııalady

Bıyl Parıjde ótetin Olımpııalyq oıyndardyń uıymdastyrý komıteti  sporttyq is-sharalarǵa bıletterdiń jappaı satylymy bastalǵanyn jarııalady, dep habarlady Olympic.kz.

Akııa keshe bastaldy. Uıymdastyrýshylar bılet satyp alyp úlgermegen jankúıerlerge syılyq jasap, Olımpıadanyń bastalýyna 100 kún qalýyn atap ótti.

Osy is-sharada 250 myń bılet satylymǵa shyǵaryldy.

Bıletterdiń eń tómengi baǵasy 24 eýro boldy. Uıymdastyrýshylar mundaı bıletterdiń 20 myń danasyn usyndy. Basqa bıletterdiń baǵasy sport túrine baılanysty bolyp, ol shamamen 1 000 eýroǵa deıin barady.

Olardy áli de ınternet arqyly tek resmı bılet platformasynan satyp alýǵa bolady. Qonaqjaılyq paketteri de bar. Onda bılettermen birge turǵyn úı usynylady. Jankúıerler óziniń shamasyna qaraı kez-kelgen ornalasatyn jerdi tańdaı alady.

Qonaqjaılyq paketterdi On Location platformasy arqyly satyp alýǵa múmkindik qarastyrylǵan, — delingen habarlamada.

Olımpıada jáne Paralımpıada oıyndaryna bıletterdiń jalpy sany 13 mıllıonnan asady.

2024 jylǵy Olımpıada Parıjde 26 shilde men 11 tamyz aralyǵynda ótedi.