SportPress.kz قازاقستان سپورت جاڭالىقتارى
قىرعىزستاننىڭ استاناسى — بىشكەكتە وليمپيادا جولداماسى ءۇشىن ەركىن كۇرەستەن ءوتىپ جاتقان ازيا قۇرلىعىنىڭ ليتسەنزيالىق تۋرنيرىندە 97 كەلى سالماقتا سىنعا ءتۇسىپ، جولداما العان الىشەر ەرعاليدان كەيىن اۋىر سالماقتاعى (125 كگ) يۋسۋپ باتىرمۋرزاەۆ تا وليمپيادانىڭ جولداماسىن جەڭىپ الدى.
اسا اۋىر سالماقتاعى بالۋانىمىز باحرەين وكىلى شاميل ماگومەدوۆتى تىزە بۇكتىرىپ، ەكىنشى رەت وليمپيالىق ويىندارعا بارۋعا مۇمكىندىككە يە بولدى. بۇعان دەيىن ول شيرەك فينالدا يۋسۋپ باتىرمۋرزاەۆ قىرعىزستاندىق اايال لازارەۆتى جەڭگەن بولاتىن.
وكىنىشكە قاراي، جولداماعا تالاسقان نۇرقوجا قايپانوۆتىڭ (74 كگ) جولى بولمادى. ول شەشۋشى بەلدەسۋدە يراندىق بالۋانعا قاۋقار تانىتا المادى. سول سەكىلدى ەراسىل مۇحتار ۇلى (57 كگ) پەن مايس اليەۆ (65 كگ) جولدامادان قاعىلدى.
وسىمەن ەركىن كۇرەستەن ۇلتتىق قۇرامانىڭ ەنشىسىندە ءۇش ليتسەنزيا بولدى. العاشقىسىن بىلتىر بەلگرادتاعى الەم چەمپيوناتىندا ازامات داۋلەتبەكوۆ (86 كگ) يەلەنگەن.
شامكەن بايىربەك،
استانا
View this post on Instagram
