SportPress.kz قازاقستان سپورت جاڭالىقتارى
بۇگىن ستەند اتۋدان كاتاردىڭ استاناسى — دوحادا ءوتىپ جاتقان ليتسەنزيالىق تۋرنيردە ۇلتتىق قۇرامانىڭ سپورتشىسى ماريا دميتريەنكو وليمپيادا جولداماسىن جەڭىپ الدى.
ول تراپ جاتتىعۋىندا فينالعا شىقتى. فينالدا دميتريەنكودان باسقا ءتورت ادامدا جولداما بولعاندىقتان، ونىڭ قورىتىندى ناتيجەسىنە قاراماستان وتانداسىمىز بەن تاعى ءبىر شەتەل مەرگەنى ليتسەنزياعا يە بولدى.
ماريا دميتريەنكو وسىعان دەيىن 2016 جىلى ريو وليمپياداسىنا قاتىسىپ، 8-ورىنعا تابان تىرەگەن ەدى.
بىلتىر ول باكۋداعى الەم چەمپيوناتىندا ارالاس جۇپتىق سىندا دانيل پوچيۆالوۆپەن بىرگە قولا جۇلدەگەر اتاندى.
قازىر قازاقستان قورجىنىندا وليمپيالىق ويىنداردىڭ 47 ليتسەنزياسى بار.
شامكەن بايىربەك،
استانا
