Fýtbolda qaqpashy ýaqytty sozsa buryshtama berý usynyldy

Halyqaralyq fýtbol qaýymdastyǵynyń keńesi (IFAB) fýtbol matchy kezinde qaqpashy ýaqytty sozǵan jaǵdaıda buryshtama doby nemese aýt berilýi múmkin ekenin habarlady.

Bul uıym fýtbol oıynynyń erejelerin retteýmen aınalysady. Jaqynda uıym qaqpashylardyń dopqa ıelik etý ýaqyt hattamasyn ázirledi.

Osyǵan baılanysty aldaǵy ýaqytta qaqpashy uzaq ýaqyt boıy dopty ustap tursa, qarsylas komandaǵa buryshtamadan dop berý nemese dopty aýttan tastaý múmkindigi berilýi múmkin.

IFAB usynylǵan ereje ózgeristerin tóreshilerdiń qazirgi erejeni saqtamaýymen túsindirip otyr. Eger qaqpashy dopty 6 sekýndtan astam ustasa, penaltı belgilenýi kerek.

Jańa erejege sáıkes, bul ýaqytty 8 sekýndqa deıin arttyrý usynylady. Bul ýaqytty tóreshi qaqpashy dopty qabyldaǵan sátten bastap sanaı bastaıdy. Dopty buryshtan nemese aýttan laqtyrý qaqpashyǵa eń jaqyn qanattan oryndalady.

ESPN-niń habarlaýynsha, jańa ereje 2024-2025 maýsymda synaqtan ótedi. IFAB ózgeristerdi 2025 jyldyń sońynda talqylaıdy. Eger synaqtar sátti ótse, jańa ereje 2026-2027 maýsymynan bastap barlyq jarystarǵa engizilýi múmkin.