Jalǵas Jumaǵulov UFC-ge qaıtyp oralýy múmkin

Jekpe-jek sheberi Jalǵas Jumaǵúlov UFC-ge qaıta oralýy múmkin ekenin aıtty.

Men jaraqatymnan tolyqtaı aıyǵyp qaldym. Jaqyn arada AQSh-qa baramyn. Tamyz aıynda jekpe-jek ótkizgim keledi. Qazir UFC-men kelissóz júrgizip jatyrmyz. AQSh-ta basqa faıterdiń ornyna jekpe-jekke shyǵýym múmkin. Bolmasa basqa jolmen oktagonǵa shyǵamyn. Endi bárin ýaqyt kórsetedi, – dedi Jumaǵulov.

Jalǵas Jumaǵulov UFC-de 2020-2023 jyldar aralyǵynda oktagonǵa shyǵyp, jeti jekpe-jektiń tek bireýinde ǵana jeńiske jetken.

Faıter sońǵy ret Almatyda Naiza 57 týrnırinde AQSh-tyń ókili Klıvlend Maklınmen jekpe-jekke shyqqan. Sol kezde ol aıaǵyn syndyryp alsa da jeńiske jetti. Osylaısha, 35 jastaǵy faıter oktagonda 16-jeńisin toılaǵan.

Buǵan deıin ol 2022 jyly amerıkalyq faıter Charlz Djonsonmen jekpe-jek ótkizip, tóreshilerdiń sheshimimen jeńilgennen keıin UFC-den ketetinin málimdegen bolatyn.

Dastan KENJALIN,

ASTANA