Zaǵıp shahmatshylardyń respýblıkalyq saıysynyń jalaýy jelbiredi

Taıaýda Taraz qalasynda zaǵıp shahmatshylar arasynda jekeleı Qazaqstan chempıonaty aıaqtaldy. Zaǵıp shahmatshylar eki topta: kózderi múldem kórmeıtin jáne álsiz kóretinder jekeleı rette jarysty .

Klassıkalyq dástúrli shahmatpen qosa bıyl Rapıd-jyldam shahmat túrinen de alǵash ret jarys qatar ótti.

Klassıkalyq jarys 9 oıynmen , al Rapıd-jyldam shahmat 7 oıyn kezdesýimen shveıar júıesinde ótkizildi .

Birinshi toptaǵy kózderi kórmeıtinder arnaıy belgisi bar oıyn tastarymen oınaıtyn shahmatshylardyń klassıkalyq jarys qorytyndysynda erler arasynda 7 upaı jınaǵan Abaı oblysynan qatysqan Bolat Qabyjanov jeńimpaz atandy . Al 6,5 upaımen Jambyl oblysynan Abdýrashıt Álimhanov ekinshi, 6 upaı jınaǵan astanalyq Sádýaqas Toqabaev úshinshi oryndy ıelendi. Erler arasyndaǵy Rapıd saıysynda 5,5 upaı jınaǵan almatylyq Maqsut Jumabekov birinshi ret rapıdten chempıon atandy (sýrette chempıon M Jumabekov). Ol buryn da 2006 jáne 2022 jyldary dástúrli saıysta Qazaqstannyń chempıony bolǵan edi.

Kelesi oryndardy 5 upaı kórsetkishimen Abdýrashıt Álimhanov (Taraz) pen Bolat Qabyjanov (Semeı) ekinshi -úshinshi júldelerimen bólisti .

Kózderi álsiz kóretin shahmatshylar arasynda klassıkadan túrkistandyq Qýanyshbek Jumadýllaev toǵyz múmkindikten 8 upaı jınap jeńimpaz atandy. Qaraǵandylyq Murat Júnisov ekinshi, al Jetisý oblysynan kelgen Iýrıı Beıbıkov úshinshi orynda boldy

Rapıd-jyldam shahmat saıysynda da túrkistandyq Qýanyshbek Jumadýllaev jeti múmkindikten 6,5 upaımen jeńimpaz atansa, Batys Qazaqstan oblysynan kelgen Erlan Nurqaev ekinshi , Qyzylorda oblysynan Qadyr Jamalagın úshinshi júldege ıe boldy .

Áıelder arasynda eki toptyń shahmatshylary birigip oınady. Klassıkalyq saıysta petropavldyq Aınagúl Táshenova birinshi , tarazdyq Eńlik Igenbaeva ekinshi , astanalyq Maıra Toqabaeva úshinshi orynǵa ıe boldy .

Rapıd saıysynda Eńlik Igenbaeva (Jambyl oblysy) jeńimpaz atansa , Aınagúl Táshenova (Soltústik Qazaqstan oblysy) ekinshi , Maıra Toqabaeva (Astana) úshinshi júldeli oryndardan kórindi .

Jeńimpaz atanǵan jáne júlde alǵan shahmatshylarǵa medaldar men arnaıy dıplomdar tabystaldy .

Baqdáýlet QUMAR,

ALMATY