SportPress.kz قازاقستان سپورت جاڭالىقتارى
وزبەكستاننىڭ وليمپيادا قۇراماسى فۋتبولدان كاتاردا 23 جاسقا دەيىنگى جاستار اراسىندا ءوتىپ جاتقان ازيا كۋبوگىنىڭ جارتىلاي فينالىندا يندونەزيانى جەڭىپ، ءوز تاريحىندا تۇڭعىش رەت وليمپياداعا جولداما الدى.
ەندى تەمۋر كاپادزەنىڭ ويىنشىلارى پاريجدە وتەتىن ءتورت جىلدىقتىڭ ەڭ تانىمال سپورت جارىسىنا قاتىسادى.
ماتچتىڭ ءبىرىنشى تايمىندا وزبەكستان قۇراماسىندا بىرنەشە مۇمكىندىك بولعانىمەن، ەسەپ اشىلماعان ەدى. ال ەكىنششى تايمنىڭ 68-مينۋتىندا حۋساين نورچاەۆ پەن 86-مينۋتتا ابدۋقودير حۋسانوۆتىڭ گولدارى وزبەكستان قۇراماسىنا جەڭىس اكەلدى.
وسىلايشا، وزبەكستاننىڭ وليمپيادا قۇراماسى العاش رەت فرانتسيادا جالاۋى جەلبىرەيتىن وليمپيادانىڭ جولداماسىن جەڭىپ الدى.
وزبەكستان پرەزيدەنتى شاۆكات ميرزيەەۆ فۋتبولدان جاستار قۇراماسىن قۇتتىقتادى.
قىمباتتى بالالارىم!
سىزدەردى وسى كۇندەرى فۋتبولدان جاسوسپىرىمدەر اراسىنداعى كاتاردا ءوتىپ جاتقان ازيا كۋبوگىنا قاتىسىپ، فينالعا شىققانلارىڭىزبەن جانە جارتىلاي فينالدا جەڭىسكە جەتىپ، بيىل جازدا پاريجدە وتەتىن وليمپيالىق ويىندارعا جولداما الۋلارىڭىزبەن شىن جۇرەكتەن قۇتتىقتايمىن!
وزبەكستاننىڭ فۋتبول تاريحىنداعى مۇنداي جارقىن جەڭىستى ەلىمىزدىڭ بارشا سپورتسۇيەر قاۋىمى، بارشا كوپ ۇلتتى حالقىمىز شەكسىز قۋانىش، ماقتانىشپەن قارسى العانى ءسوزسىز. ويتكەنى، بۇل ەلىمىزدىڭ كوپ جىلعى ۇلى ارمانى ەدى.
ارماندار ورىندالادى. وسى جەڭىس جاڭا وزبەكستاننىڭ پەرزەنتتەرىنە ءناسىپ ەتتى. ونىمەن قانشالىقتى ماقتانساڭىزدار دا جاراسادى.
ارينە، بۇل تاريحي جەڭىس شىنداپ كەلگەندە سوڭعى جىلدارى ەلىمىزدە سپورت سالاسىن، ونىڭ ىشىندە فۋتبولدى دامىتۋعا زور كوڭىل ءبولىنىپ، اتقارىلعان اۋقىمدى تاجىريبەلىك جۇمىستارمەن بايلانىستى بولىپ وتىرعانى ءسوزسىز.
سونىمەن قاتار، جەڭىس تاجىريبەلى باپكەرلەر مەن ساراپشىلاردىڭ سىزدەر سياقتى جىگەرلى جاستارىمىزدى جارىسقا تىڭعىلىقتى دايىنداعانىمەن بايلانىستى بولسا، ەكىنشى جاعىنان، ءاربىر ويىندا ناعىز شەبەرلىك، باتىلدىق پەن تاباندىلىق تانىتقاندارىڭىزدىڭ ارقاسىندا كەلىپ وتىر.
ازيا قۇرلىعىنىڭ مىقتى كوماندالارىمەن وتكەن بەس ماتچتا قۇرامامىزدىڭ قاقپاسىنا گول سالدىرماي، قاقپانىڭ تورىنا 14 جاۋاپسىز دوپتى توعىتقاندارىڭىز – فۋتبول تاريحىنداعى بۇرىن-سوڭدى بولماعان ناتيجە.
بۇل جەتىستىككە جىگەرلەنىپ، فينالدا «ازيا چەمپيونى» دەگەن قۇرمەتتى اتاق ءۇشىن لايىقتى ويىن ورنەگىن كورسەتەتىندەرىڭىزگە سەنىمدىمىن.
وسى ءساتتى پايدالانا وتىرىپ، بارشاڭىزعا، اياۋلى اتا-انالارىڭىزعا، ۇستاز-باپكەرلەرىڭىزگە شىن جۇرەكتەن العىسىمدى بىلدىرەمىن.
بارشا وزبەكستان حالقى سىزدەرگە باقىت پەن ساتتىلىك، جارقىن جەڭىستەر تىلەيدى، قىمباتتى بالالارىم!، — دەدى ول.
3 مامىردا ازيا كۋبوگى ءۇشىن فينال بولادى. ەندى گرۋزيالىق جاتتىقتىرۋشى تەمۋر كاپادزەنىڭ وينىشىلارى فينالدا يراك پەن جاپونيا ماتچىنىڭ جەڭىمپازىمەن كۇش سىناسادى.
داستان كەنجالين،
استانا
