«Qymbatty balalarym!»: О́zbekstan tuńǵysh ret Olımpıadaǵa joldama aldy

О́zbekstannyń Olımpıada quramasy fýtboldan Katarda 23 jasqa deıingi jastar arasynda ótip jatqan Azııa kýbogynyń jartylaı fınalynda Indonezııany jeńip, óz tarıhynda tuńǵysh ret Olımpıadaǵa joldama aldy.

Endi Temýr Kapadzeniń oıynshylary Parıjde ótetin tórt jyldyqtyń eń tanymal sport jarysyna qatysady.

Matchtyń birinshi taımynda О́zbekstan quramasynda birneshe múmkindik bolǵanymen, esep ashylmaǵan edi. Al ekinщi taımnyń 68-mınýtynda Hýsaın Norchaev pen 86-mınýtta Abdýqodır Hýsanovtyń goldary О́zbekstan quramasyna jeńis ákeldi.

Osylaısha, О́zbekstannyń Olımpıada quramasy alǵash ret Franııada jalaýy jelbireıtin Olımpıadanyń joldamasyn jeńip aldy.

О́zbekstan prezıdenti Shavkat Mırzıeev fýtboldan jastar quramasyn quttyqtady.

Qymbatty balalarym!

Sizderdi osy kúnderi fýtboldan jasóspirimder arasyndaǵy Katarda ótip jatqan Azııa kýbogyna qatysyp, fınalǵa shyqqanlaryńyzben jáne jartylaı fınalda jeńiske jetip, bıyl jazda Parıjde ótetin Olımpııalyq oıyndarǵa joldama alýlaryńyzben shyn júrekten quttyqtaımyn!

О́zbekstannyń fýtbol tarıhyndaǵy mundaı jarqyn jeńisti elimizdiń barsha sportsúıer qaýymy, barsha kóp ultty halqymyz sheksiz qýanysh, maqtanyshpen qarsy alǵany sózsiz. О́ıtkeni, bul elimizdiń kóp jylǵy uly armany edi.

Armandar oryndalady. Osy jeńis Jańa О́zbekstannyń perzentterine násip etti. Onymen qanshalyqty maqtansańyzdar da jarasady.

Árıne, bul tarıhı jeńis shyndap kelgende sońǵy jyldary elimizde sport salasyn, onyń ishinde fýtboldy damytýǵa zor kóńil bólinip, atqarylǵan aýqymdy tájirıbelik jumystarmen baılanysty bolyp otyrǵany sózsiz.

Sonymen qatar, jeńis tájirıbeli bapkerler men sarapshylardyń sizder sııaqty jigerli jastarymyzdy jarysqa tyńǵylyqty daıyndaǵanymen baılanysty bolsa, ekinshi jaǵynan, árbir oıynda naǵyz sheberlik, batyldyq pen tabandylyq tanytqandaryńyzdyń arqasynda kelip otyr.

Azııa qurlyǵynyń myqty komandalarymen ótken bes matchta quramamyzdyń qaqpasyna gol saldyrmaı, qaqpanyń toryna 14 jaýapsyz dopty toǵytqandaryńyz – fýtbol tarıhyndaǵy buryn-sońdy bolmaǵan nátıje.

Bul jetistikke jigerlenip, fınalda «Azııa chempıony» degen qurmetti ataq úshin laıyqty oıyn órnegin kórsetetinderińizge senimdimin.

Osy sátti paıdalana otyryp, barshańyzǵa, aıaýly ata-analaryńyzǵa, ustaz-bapkerlerińizge shyn júrekten alǵysymdy bildiremin.

Barsha О́zbekstan halqy sizderge baqyt pen sáttilik, jarqyn jeńister tileıdi, qymbatty balalarym!, — dedi ol.

3 mamyrda Azııa kýbogy úshin fınal bolady. Endi grýzııalyq jattyqtyrýshy Temýr Kapadzeniń oınyshylary fınalda Irak pen Japonııa matchynyń jeńimpazymen kúsh synasady.

Dastan KENJALIN,

ASTANA