سپورتتىق سەميناردىڭ پايداسى زور بولدى (فوتو)

جۋىردا الماتى قالاسىنداعى ك.احمەتوۆ اتىنداعى وليمپيادا ءىزباسارلارىنىڭ رەسپۋبليكالىق  مامانداندىرىلعان مەكتەپ-ينتەرنات كوللەدجىنىڭ ۇيىمداستىرۋىمەن «سپورتتىق وقۋ ورىندارى ۇستازدارىنىڭ پەداگوگيكالىق تاجىريبەسىن تالداپ، قورىتىندىلاۋ بارىسىندا زياتكەرلىك قۇندىلىقتار جۇيەسىن قالىپتاستىرۋ» اتتى رەسپۋبليكالىق ينتەراكتيۆتى سەمينار — پراكتيكۋم ءوتتى.

سەميناردىڭ اشىلۋ سالتاناتىندا لاۋرا قادىرقىزى ايتباەۆا ايتۋلى مەكتەپ-ينتەرناتتىڭ تاريحى مەن جەتىستىكتەرى تۋرالى بايانداما جاسادى. كەلەسى كەزەكتى بەلگىلى سپورت زەرتتەۋشى مامان پەداگوگيكا عىلىمدارىنىڭ دوكتورى، پروفەسسور ءاناتولى قوجەكەن ۇلى قۇلنازاروۆ «قازاقستاندا سپورتتىق مەكتەپ ينتەرناتتار مەن كوللەدجدەر جاعدايىندا سپورت رەزەۆتەرىن دايارلاۋدىڭ ەرەكشەلكتەرى» تۋرالى عىلىمي نەگىزدى دايىنداعان بايانداماسىمەن جالعاستىردى.

بۇل سەمينار-پراكتيكۋمعا استانا قالاسىنداعى قاجىمۇقان مۇنايتپاسوۆ اتىنداعى وررمميك، ريددەر قالاسىنداعى وررمميك، الماتى قالاسىنداعى «شاڭىرىق» شاعىن اۋدانىنداعى  وررمميك، رەسپۋبليكالىق سپورت كوللەدجى مەن احمەت جۇبانوۆ اتىنداعى دارىندى بالالارعا ارنالعان رقممي،

جانە الماتى قالاسىنىڭ قالالىق سپورت مەكتەپتەرىنىڭ مۇعالىمدەرى، وقىتۋشىلارى، تاربيەشىلەرى قاتىسىپ، ءىس-تاجىريبەلەرىمەن ءبولىستى.

سەميناردى وتكىزۋدەگى نەگىزگى ماقسات ءبىلىم، تاربيە جانە سپورتتىق جەتىستىكتەردى دامىتۋدىڭ ىرگەلى فاكتورى رەتىندە زياتكەرلىك قۇندىلىقتىڭ ماڭىزدىلىعىن ارتتىرۋ ەدى. سونىمەن قاتار وقۋشىلاردىڭ ءبىلىم ساپاسىن، سپورتتىق ناتيجەلەرىن جانە تاربيەلىك دەڭگەيىن كوتەرۋ ماقساتىندا سپورتتىق وقۋ ورىندارىندا پەداگوگيكالىق قىزمەتتىڭ بارلىق سالالارىندا تيىمدىلىك جانە قولدانۋ مۇمكىندىگى تۇرعىسىنان پەداگوگيكالىق تاجىريبەنى تالداۋ جانە قورىتىندىلاۋ بولدى.

سەميناردا ينتەراكتيۆتى وقىتۋ مەن تاربيە بەرۋ ادىستەرىن كورسەتىلىپ، زاماناۋي يننوۆاتسيالىق تەحنولوگيالاردى ەنگىزۋ جۇمىستارى پراكتيكا جۇزىندە ىسكە استى. نەگىزى سپورتتىق وقۋ ورىندارىنداعى ۇستازداردىڭ پەدوگوگيكالىق تاجىربيەسىن تالداپ قورتىندىلاۋ بارىسىندا زياتكەرلىك قۇندىلىقتار جۇيەسىن قالىپتاستىرۋ باعىتىنداعى وسىنداي رەسپۋبليكالىق سەميناردىڭ بەرەرى مول دەپ بىلەمىز. سەمينار سوڭىندا سەرتيفيكاتتار تاپسىلىرىپ، كونتسەرتتىك قويىلىمدار كورسەتىلدى.

سەميراندا قوزعالعان، ماسەلەردىڭ بارلىعى دەرلىك وتە وزەكتى. سونىسىمەن سەمينار پايدالى ءارى ۇتىمدى بولدى دەپ تۇيىندەۋگە بولادى.  «ۇستازسىز شاكىرت تۇل»-دەمەكشى، بالانىڭ تولىققاندى ءبىلىمدى، ساۋاتتى، مىقتى سپورتشى بولىپ قالىپتاسۋىنا ۇستاز وقىتۋشىنىڭ ءرولى ايىرىقشا. «ۇستازى مىقتىنىڭ ۇستامى مىقتى»، دەگەن قاناتتى سوزدە بار. سوندىقتان دا ك.احمەتوۆ اتىنداعى وليمپيادالىق ءىزباسارلاردى دايارلايتىن رەسپۋبليكالىق مامانداندىرىلىعان مەكتەپ-ينتەرنات كوللەدجدىڭ بۇل باستاماسىنا ەلىمىزدىڭ ءار ايماعىندا سپورت مەكتەپتەرى قوسىلىپ جالعاستىرا جاتار دەگەن سەنىمدەمىز. سپورتتا العىر الدا بولۋى ءۇشىن ءبىلىمنىڭ بەرەر پايداسى زور ەكەنىنىن ۇمىتپاعانىمىز ابزال.

اقىن ورداباي ۇلى،

الماتى