Astanada bokstan «Elorda kýbogy» týrnıri bastalady (VIDEO)

13-18 mamyr aralyǵynda Astanada bokstan «Elorda kýbogy» týrnıri bolady. Oǵan qatysatyn boksshylar anyqtaldy, dep habarlady Olympic.kz.

Týrnırge ulttyq quramanyń birinshi, ekinshi jáne úshinshi nómirli sportshylary qatysady.

Olardyń arasynda Olımpıada joldamasynyń ıegerleri Sáken Bıbosynov (51 kg), Mahmud Sabyrhan (57 kg), Aslanbek Shymbergenov (71 kg), Nurbek Oralbaı (81 kg), Aıbek Oralbaı (92 kg) men Qamshybek Qońqabaev (+92 kg) bar.

Sondaı-aq, jarysta álem chempıondary Temirtas Júsipov (48 kg), Bekzad Nurdáýletov (81 kg), álem chempıonatynyń kúmis júldegerleri Dýlat Bekbaýov (63,5 kg), Serik Temirjanov (57 kg), Azııa chempıony Tursynbaı Qulahmet, Azııa oıyndarynyń qola júldegeri Saǵyndyq Toǵambaı men Azııa oıyndaryna qatysqan taǵy bir bylǵary qolǵap ıesi Ertýǵan Zeınýllınov kúsh synasady.

Aıaq astynan keleńsiz bir jaǵdaı bolmasa, Olımpıadaǵa joldama alǵan barlyq boksshy osy synǵa qatysady.  Sebebi, bul týrnır solarǵa arnalyp ótkiziledi. Qazir sportshylardyń bári qatarda. Bul Olımpıada qarsańyndaǵy daıyndyq týrnırleriniń biri, — dedi bas jattyqtyrýshy Myrzaǵalı Aıtjanov.

Týrnırge jalpy esebi 60-qa jýyq boksshy qatysady. Oǵan 9 eldiń boksshylary keledi dep josparlanyp otyr.

Sodan keıin ulttyq qurama komanda 23 mamyr men 6 maýsym aralyǵynda Taılandtyń astanasy – Bangkok qalasynda ótetin lıenzııalyq týrnırge qatysady. Osy dodada da jeńimpaz atanǵandar Olımpıadaǵa joldamany alady.

 

View this post on Instagram

 

A post shared by Kazakhstan Boxing Federation (@boxingkazakhstan)