«Áıelder kúresinen ulttyq qurama Olımpıadadan tys qaldy»: Federaııaǵa qoıar suraq kóp, jaýap joq

Bıyl áıelder kúresinen ulttyq qurama komanda Olımpııalyq oıyndardan tas qaldy. Endi qurama komandany jattyqtyratyn Qaırat Saǵadıevtiń shákirtteri Parıj Olımpıadasyna barmaıdy.

Osyǵan baılanysty qazir Grek-rım, erkin kúres jáne áıelder kúresinen federaııa Saǵadıevti otstavkaǵa jibere me degen saýal týyndap otyr.

2015 jyly Gózal Manıýrova áıelder kúresinen Qazaqstan komandasynyń bas jattyqtyrýshy qyzmetinen ketip, onyń ornyna jastar quramasynyń tálimgeri Qaırat Saǵadıev keldi. Bir jyldan keıin Brazılııanyń Rıo-de Janeıro qalasynda ótken Olımpıadaǵa áıelder kúresinen Qazaqstan komandasyn Saǵadıev apardy. Qazaqstan quramasynyń úsh birdeı sportshysy Gózal Manıýrova, Elmıra Syzdyqova men Ekaterına Larınova Olımpıadaǵa qatysyp, 1 kúmis pen 2 qola medal jeńip aldy.

Bir jyldyń ishinde Saǵadıevtiń osynsha tabysqa jetýi G.Manıýrovanyń da úlesi bar ekenin umytpaý kerek. Manıýrova Reseıden kelgen legıoner, Syzdyqova bolsa Soltústiktiń týmasy, al Larıonova Batystyń qyzy. Ol kezde Manıýrovanyń ókpesi men kegi, Syzdyqova men Larıonovanyń Olımpıadaǵa alǵash qatysyp, júlde alýy olardyń armany tuǵyn. Elmıra men Ekaterına múmkindikterin tolyq paıdalana bildi.

Tokıo-2021 Olımpıadasynda áıelder kúresinen Qazaqstan komandasynyń bas jattyqtyrýshysy bolǵan Nurlan Amanqosovtyń shákirtteri Valentına Islamova (50 kg), Tatıana Amanjol (53 kg) men Elmıra Syzdyqova (76 kg) baq synap, júlde ala almady. Eger de Nurlan Amanqosov myqty bapker bolǵanda shákirtteri júlde alýy kerek edi. Úsh jylda bir Olımpıada júldegerin shyǵara almaǵany uıat qoı.

Áıelder kúresinen qurama úzdigi Jámıla Baqbergenova 72 keli salmaqta úsh ret álem chempıonatynda 2 kúmis, 1 qola júlde aldy. Olımpııalyq emes salmaqta álem chempıonatynda júlde alǵan ol nege Tokıo Oıyndaryna bara almady?

Federaııaǵa qoıar suraq kóp, jaýap joq.

«Bishkek-2024» Azııalyq irikteý týrnıri men «Ystanbul-2024» álemdik lıenzııalyq týrnırine qatysqan áıelder kúresinen Qazaqstan komandasy Parıj Olımpıadasyna joldama ala almady. Úsh jylda Qaırat Saǵadıev jattyqtyratyn áıelder kúresinen birde-bir balýan Franııaǵa barmaıtyn boldy. Endi balýan-áıelder Qazsport telearnasynanOlımpıadany úılerinde kóretin boldy. Ásirese, áıelder kúresinen Qazaqstan komandasynda jasy otyzdan asqandar áli kúnge deıin kúresip júr. Olar quramada ne istep júr? Álde olar bas bapkerdiń «lıýbımchıkteri» me?

Qazaqstan grek-rım, erkin jáne áıelder kúres federaııanyń prezıdenti Dáýlet Turlyqanovqa suraq: Jasy 35-ten asqan balýandardy jınaı bergenshe, jastarǵa kóńil bólip, olardy Japonııa, Eýropa men Amerıkaǵa oqý-jattyǵý jıynyna jibermeısiz be? Mysaly, jylyna kúres federaııasyna 2 mlrd 800 mln teńge bólinedi. Kúreske bólingen aqshany qalaı ıgerip jatsyz? О́zińiz basqaratyn kúreske reforma kerek ekenin bilesiz be?

Aıbek MUHANOV,

AQTAÝ