حابيب نۋرماگومەدوۆ 6 جىلعا سوتتالۋى مۇمكىن — باق

UFC-ءدىڭ ەكس-چەمپيونى حابيب نۋرماگومەدوۆ سالىقتان جالتارىپ، تولەمەگەنى ءۇشىن رف قىلمىستىق كودەكسىنىڭ 199-بابى بويىنشا 6 جىلعا دەيىن سوتتالۋى مۇمكىن.

Eadaily.com پورتالى رەسەيدىڭ «سپورت-ەكسپرەسس» باسىلىمىنا سىلتەمە جاساي وتىرىپ، حابيب نۋرماگومەدوۆتىڭ  سالىق قىزمەتى الدىندا ۇلكەن قارىزى بار ەكەنىن حابارلادى.

حابيب نۋرماگومەدوۆتىڭ 306 ملن 688 مىڭ 389 رۋبل (شامامەن 1،5 ملرد تەڭگە، — رەد.) قارىزى بار بولىپ شىقتى. رەسەيدىڭ فەدەرالدىق سالىق قىزمەتى نۋرماگومەدوۆكە تيەسىلى Eagle FC پروموۋشەنى جانە سپورتشىنىڭ قايىرىمدىلىق قورىنىڭ ەسەپ-شوتىن بۇعاتتاعان.

نۋرماگومەدوۆتىڭ ادۆوكاتى يگور بۋشمانوۆتىڭ ايتۋىنشا، سالىق تولەمەگەنى ءۇشىن نۋرماگومەدوۆ تۇرمەگە دە وتىرۋى مۇمكىن.

سالىقتان جالتارۋ — اۋىر قىلمىس. تولەنبەگەن سالىق سومماسى 10 ملنان اسسا، بۇل ءۇشىن رف زاڭىنداعى 199-بابى بويىنشا 6 جىلعا دەيىن باس بوستاندىعىنان ايىرۋ تۋرالى زاڭ قاراستىرىلعان، — دەلىنگەن حاباپلامادا.

مۇنداي ءىستى رەسەيدىڭ تەرگەۋ كوميتەتى جۇرگىزەدى. ادەتتە ايىپكەر رەتىندە ۇيىم جەتەكشىسى جاۋاپقا تارتىلادى. سيرەك تۇردە — قۇرىلتايشى مەن باس ەسەپشى. ايىپكەر سالىق پەن ءوسىمدى تولىق تولەسە جازادان قۇتىلادى.

داستان كەنجالين،

استانا