Habıb Nýrmagomedov 6 jylǵa sottalýy múmkin — BAQ

UFC-diń eks-chempıony Habıb Nýrmagomedov salyqtan jaltaryp, tólemegeni úshin RF Qylmystyq kodeksiniń 199-baby boıynsha 6 jylǵa deıin sottalýy múmkin.

Eadaily.com portaly Reseıdiń «Sport-ekspress» basylymyna silteme jasaı otyryp, Habıb Nýrmagomedovtiń  salyq qyzmeti aldynda úlken qaryzy bar ekenin habarlady.

Habıb Nýrmagomedovtiń 306 mln 688 myń 389 rýbl (shamamen 1,5 mlrd teńge, — red.) qaryzy bar bolyp shyqty. Reseıdiń Federaldyq salyq qyzmeti Nýrmagomedovke tıesili Eagle FC promoýsheni jáne sportshynyń qaıyrymdylyq qorynyń esep-shotyn buǵattaǵan.

Nýrmagomedovtiń advokaty Igor Býshmanovtyń aıtýynsha, salyq tólemegeni úshin Nýrmagomedov túrmege de otyrýy múmkin.

Salyqtan jaltarý — aýyr qylmys. Tólenbegen salyq sommasy 10 mlnan assa, bul úshin RF zańyndaǵy 199-baby boıynsha 6 jylǵa deıin bas bostandyǵynan aıyrý týraly zań qarastyrylǵan, — delingen habaplamada.

Mundaı isti Reseıdiń Tergeý komıteti júrgizedi. Ádette aıypker retinde uıym jetekshisi jaýapqa tartylady. Sırek túrde — quryltaıshy men bas esepshi. Aıypker salyq pen ósimdi tolyq tólese jazadan qutylady.

Dastan KENJALIN,

ASTANA