Gımnasshy Mılad Karımı — Azııa chempıonatynyń kúmis júldegeri!

Sporttyq gımnastıkadan О́zbekstannyń astanasy – Tashkent qalasynda ótip jatqan Azııa chempıonatynda Mılad Karımı kúmis medal jeńip aldy, dep habarlady Olympic.kz.

Karımı kópsaıystan 84.632 upaı jınap, jalpy esepte ekinshi orynǵa shyqty. Altyn júldege álem chempıonatynyń birneshe dúrkin medalısi, fılıppındik Karlos Iýlo ıe boldy.

О́zbekstandyq Abdýlla Azımov 82.431 upaımen týrnırdiń qola medalin ıelenip qana qoımaı, Parıj Olımpıadasyna da joldama aldy.

Karımı de, Iýlo da joldama máselesin sheship qoıǵandyqtan, kvota ózbek gımnasshysyna beriledi. Qazaqstan quramasynyń taǵy bir sportshysy Dmıtrıı Patanın 79.598 upaımen kópsaıysta júldege ilige almaı, Olımpıadaǵa irikteýden ótken joq.

Eske sala ketsek, Mılad Karımı Azııa chempıonatynda kópsaıystan kúmis medal alyp, tarıhı jetistikke jetti. Buǵan deıin otandyq gımnasshylar jekelegen snarıadtarda júlde alǵanyman, qurlyq dodasynda kópsaıys qorytyndysy boıynsha qurmet tuǵyrynyń bıik satysyna kóterilip kórmegen.

Tashkenttegi Azııa chempıonatynda Parıj Olımpıadasynyń joldamasyn alǵan Narıman Kýrbanov ta baq synaıdy.