تسيفرلاندىرۋ — بۇگىنگى ءبىلىم بەرۋدەگى جاڭا نەگىزگى باعىت

الماتىدا «تسيفرلىق جاڭعىرۋ-2024» اتتى فورۋمى ءوتتى.

بيزنەس-فورۋم ءىرى كوممەرتسيالىق كومپانيالار مەن مەملەكەتتىك ورگانداردىڭ وكىلدەرىن ءبىر الاڭعا جينادى. قاتىسۋشىلار تسيفرلىق بۇلتتىق تەحنولوگيالار، مونەتيزاتسيانىڭ نەگىزگى قۇرالدارى، قازاقستانداعى يننوۆاتسيالىق دامۋ بارىسى ماسەلەلەرىن تالقىلادى.

تسيفرلاندىرۋدىڭ نەگىزگى ترەندتەرىنىڭ ىشىندە فورۋم سپيكەرلەرى گەنەراتيۆتى جاساندى ينتەللەكتتىڭ دامۋىن ەرەكشە اتاپ ءوتتى. مۇنداي شەشىمدەر قازىردىڭ وزىندە كومپانيانىڭ پروتسەستەرىن وڭتايلاندىرىپ، وعان قۇندىلىق بەرە الادى، ال بولاشاقتا ولاردىڭ ينۆەستيتسيالىق تارتىمدىلىعى ودان دا جوعارى بولادى.

سونىمەن قاتار، بۇكىل الەمدە بۇلتتىق شەشىمدەر مەن پلاتفورمالارعا كوشۋدىڭ ايقىن ءۇردىسى بايقالادى. دەگەنمەن، ساراپشىلار قازاقستاننىڭ تسيفرلىق قوعامداستىعى ەڭ الدىمەن بۇلتتىق پلاتفورمالاردى پايدالانۋدىڭ بىرىڭعاي ءتاسىلىن ازىرلەۋى، سونداي-اق قازاقستان رەسپۋبليكاسىنىڭ زاڭناماسىنا سايكەس بۇلتتىقتا دەرەكتەردى قورعاۋدى قامتاماسىز ەتۋى كەرەك دەگەن ورتاق پىكىرگە كەلدى.

فورۋمنىڭ العاشقى تالقىلاۋىندا ءىرى مەملەكەتتىك جانە كوممەرتسيالىق ۇيىمداردىڭ وكىلدەرى تسيفرلىق حابقا اينالۋ تاقىرىبىن تالقىلادى.

بۇل ءۇشىنشى جىل قاتارىنان مەملەكەتتىك سەكتور، ءىرى بيزنەس وكىلدەرى مەن IT-قاۋىمداستىقتىڭ باسى قوسىلاتىن الاڭعا اينالدى.

تسيفرلىك ساۋاتتىلىق — اقپاراتتىق قوعامداعى قاۋىپسىزدىكتىڭ نەگىزى، ءححى عاسىردىڭ ەڭ ماڭىزدى ءبىلىمى، ەڭ نەگىزگى تاقىرىپتارىمىزدىڭ ءبىرى.تسيفرلىك ساۋاتتىلىق — بۇل ادام ءومىرىنىڭ بارلىق سالالارىندا تسيفرلىك تەحنولوگيالاردى سەنىمدى، ءتيىمدى قولدانۋعا دايىندىعى جانە قابىلەتى. وسى تەحنولوگيانى قولدانۋ ارقىلى حالىقتىڭ ءومىر ساپاسىن ارتتىرۋعا جول اشىپ وتىر.

راسىمەن دە، ادامزات قاۋىمى جىل ساناپ ەمەس، اي ساناپ، ءتىپتى اپتا مەن كۇن ساناپ تسيفرلاندىرۋ زامانىنىڭ سيقىرلى الەمىنە ەنىپ بارادى. تسيفرلاندىرۋ تەحنولوگيالارى دەگەنىمىز – بۇل بۇرىن-سوڭدى ادامزات باستان كەشپەگەن عاجايىپ الەمنىڭ جاڭا قۇرالدارى. ياعني، قازىرگى تاڭدا  بۇل تەحنولوگيالار جاساقتالۋ ۇستىندە. ولار قازىردىڭ وزىندە ءبىز تامسانىپ ايتا بەرەتىن اقپاراتتىق تەحنولوگيالاردىڭ ءوزىن جولدا قالدىرا باستادى.

بۇگىنگى تاڭدا تۇجىرىمدامالىق تۇردە ءبىلىم بەرۋ جۇيەسى نەگىزگى ءۇش باعىت بويىنشا جۇرگىزىلۋدە: ءبىلىم بەرۋ ۇدەرىسىن تسيفرلاندىرۋ، تسيفرلىق ءبىلىم بەرۋ كونتەنتى، ءبىلىم بەرۋدى باسقارۋدى تسيفرلاندىرۋ.قازاقستاندا مەكتەپتىك ءبىلىم بەرۋدى تسيفرلاندىرۋ ونى رەفورمالاۋ ۇردىسىندەگى باستى تەندەنتسيالاردىڭ ءبىرى بولىپ تابىلادى.

بولاشاق مەكتەپتەرىنىڭ كورىنىسى كوبىنەسە بارلىق پاندەردىڭ بۇلتتى ءبىلىم بەرۋ جۇيەسىنە بىرتىندەپ كوشۋىمەن بايلانىستى. ءبىز ونلاين وقۋلىقتار مەن ۆيرتۋالدى زەرتحانالار تۋرالى، اشىق ءبىلىم بەرۋ مازمۇنى، ءاربىر قاتىسۋشىعا يكەمدى جانە جەكە كوزقاراس تۋرالى ايتىپ وتىرمىز. ءۇي تاپسىرمالارىن وقۋشىلار ونلاين رەجيمىندە بىرگە جۇمىس ىستەي الادى. مەكتەپ كىتاپحانالارى اقپاراتتىق جانە كومپيۋتەرلىك ورتالىقتارعا اينالدى. وقۋ ءۇردىسى ءاربىر ءبىلىم الۋشىنىڭ يدەنتيفيكاتورىمەن بايلانىستىرىلاتىن بولادى، بۇل باعالاۋ جانە باعالاردى قالىپتاستىرۋعا مۇمكىندىك بەرەدىمەكتەپتەردى تسيفرلاندىرۋ وسى ۇردىسكە قاتىساتىن بارلىق ويىنشىلارعا: وقۋشىلارعا، ولاردىڭ اتا-انالارىنا، مۇعالىمدەرىنە، ءبىلىم بەرۋ جۇيەسىنىڭ اكىمشىلىكتەرىنە ىڭعايلى جانە ءتيىمدى قۇرالداردى جاساۋدى بىلدىرەدى. سونىمەن قاتار، وقۋ ۇدەرىسىن تسيفرلاندىرۋ، ادامنىڭ ادامدىق قارىم-قاتىناسىنىڭ وڭتايلى تەڭگەرىمى جانە ۆيرتۋالدى ورتادا ناقتى جانە تسيفرلى الەمدى سينتەزدەۋدىڭ ءبىر ءتۇرى بولىپ تابىلاتىنى ماڭىزدى.
سونىمەن قاتار حالىقتىڭ ءومىر ءسۇرۋ ساپاسىن جاقسارتاتىن تسيفرلىق پلاتفورما قۇرۋ ماقساتى تسيفرلىك قازاقستان -2020 مەملەكەت باسشىسىمەن ۇسىنىلعان باعدارلامانى جۇزەگە اسىرۋعا بەلسەندى تۇردە قاتىسادى.

سالتانات جاسباتىرقىزى

الماتى