SportPress.kz قازاقستان سپورت جاڭالىقتارى
تەننيسشى سونيا جيەنباەۆا مەن اسىلجان ارىستانبەكوۆا جۇپتىق سىندا يتاليانىڭ سانتا-كروچە قالاسىندا وتكەن ITF Juniors J300 تۋرنيرىندە جەڭىمپاز اتاندى، دەپ حابارلادى قازاقستان تەننيس فەدەراتسياسى.
سپورتشى قىزدار فينالدا يتاليالىق بازيلەتتي مەن ءمادۋززيدى 6:1، 6:4 ەسەبىمەن جەڭدى.
بۇل – سونيا جيەنباەۆا مەن اسىلجان ارىستانبەكوۆانىڭ بىرگە جەڭىپ العان ەكىنشى تيتۋلى. اقپاندا قازاقستاندىق دۋەت ەگيپەتتىڭ كاير قالاسىندا وتكەن ءبىرىنشى ساناتتاعى جارىستا ۇزدىك شىققان ەدى.
جەكەلەي سىندا سونيا جيەنباەۆا فينالعا دەيىن جەتىپ، ۋكراينالىق ەليزاۆەتا كوتلياردان 3:6، 2:6. ەسەبىمەن جەڭىلدى.
سونيا جيەنباەۆا ITF Juniors J300 ءتۋرنيرىنىڭ جەڭىپ العان سوڭ، جاسوسپىرىمدەر اراسىندا الەمدىك رەيتينگىدە 22-ورىنعا كوتەرىلەدى.
قازاقستاننىڭ جۇپتىق سىنداعى ءبىرىنشى، الەمنىڭ 51-راكەتكاسى اننا دانيلينا يتاليانىڭ پارما قالاسىندا اياقتالعان چەللەندجەر ءتۋرنيرىنىڭ جەڭىمپازى اتاندى.
جارىستىڭ 1-راكەتكاسى بولىپ تىركەلگەن وتانداسىمىز رەسەيلىك يرينا حروماچيوۆامەن بىرگە فينالدا برازيليالىق ينگريد گاماررا مارتينس پەن فرانتسيالىق ەليكسان لەچەميامەن وينادى.
قازاقستاندىق-رەسەيلىك جۇپ قارسىلاستارىن 6:1، 6:2 ەسەبىمەن ويسىراتا جەڭدى.
