يلحان دوستيەۆ ۆەلوسپورتتان گران-پريدە جەڭىسكە جەتتى

پولشادا ۆەلوسپورتتان وتكەن Orlen Nations Grand Prix كوپكۇندىگىنىڭ بەسىنشى كەزەڭىندە ۇلتتىق قۇرامانىڭ سپورتشىسى يلحان دوستيەۆ مارەگە بەسىنشى بولىپ كەلدى، دەپ حابارلادى تۋريزم جانە سپورت مينيسترلىگىنىڭ سپورتتى دامىتۋ ديرەكتسياسى.

يلحان دوستيەۆ لەسكو مەن ارلامۋۆ قوناق ءۇيى اراسىنداعى 148 شاقىرىمدى 3 ساعات، 38:15 سەكۋندتا ءجۇرىپ ءوتتى. ودان كەيىن ارنو ۆاللەنبورن (3:38:18) مەن ەميەل ۆەرسترينج (3:38:19) جەتتى.

21 جاستاعى وتانداسىمىز جالپى ەسەپتە 7️-ساتىدا قالدى.

بۇل حالىقارالىق تۋرنير 23 جاسقا ۆەلوشاباندوزدار ءۇشىن ۇلتتار كۋبوگىنىڭ ءبىر بولىگى بولىپ سانالادى. جالپى 5 كۇنگە سوزىلعان باسەكەدە 22 ەلدەن 117 سپورتشى باق سىنادى.