تەننيستەن ءاچ: قازاقستان جاسوسپىرىمدەر قۇراماسىنىڭ قارسىلاستارى انىقتالدى

20-25 مامىردا شىمكەنت قالاسىندا 16 جاسقا دەيىنگىلەر اراسىندا دەۆيس كۋبوگىنىڭ ازيا – تىنىق مۇحيت ايماعى بويىنشا ىرىكتەۋ ءتۋرنيرى وتەدى، دەپ حابارلادى قازاقستان تەننيس فەدەراتسياسى.

كوماندالىق الەم چەمپيوناتىنا جولدامانى قازاقستان، اۋستراليا، تايبەي، گونكونگ، ءۇندىستان، مالايزيا، يران، جاپونيا، وڭتۇستىك كورەيا، قىتاي، جاڭا زەلانديا، تايلاند، وزبەكستان، ۆەتنام، يوردانيا قۇرامالارى ساراپقا سالادى.

جەرەبە Belline Arena ۇلتتىق تەننيس ورتالىعىندا تارتىلدى. قازاقستان جاسوسپىرىمدەرى ا توبىندا قىتاي، وزبەكستان جانە مالايزيا كوماندالارىمەن وينايتىن بولدى.

قازاقستان نامىسىن  زاڭعار نۇرلان ۇلى، دامير جالعاسباي پەن دانيەل تازابەكوۆ قورعايدى.
كوماندانىڭ كاپيتان: سەرگەي كۆاك.

وتكەن جىلى قازاقستان جاسوسپىرىمدەر قۇراماسى ىرىكتەۋدەن ءساتتى ءوتىپ، العاش رەت كوماندالىق الەم چەمپيوناتىنىڭ فينالدىق كەزەڭىنە شىققان ەدى.

ىرىكتەۋ سايىستارىنا قاتىساتىن 16 كوماندا ءتورت توپقا بولىنگەن. ءار توپتان ەكى قۇراما پلەي-وفف كەزەڭىنە وتەدى. جارتىلاي فينالعا وتكەندەر الەم چەمپيوناتىنا جولداما الادى.