SportPress.kz Qazaqstan sport jańalyqtary
20-25 mamyrda Shymkent qalasynda 16 jasqa deıingiler arasynda Devıs kýbogynyń Azııa – Tynyq muhıt aımaǵy boıynsha irikteý týrnıri ótedi, dep habarlady Qazaqstan tennıs federaııasy.
Komandalyq álem chempıonatyna joldamany Qazaqstan, Aýstralııa, Taıbeı, Gonkong, Úndistan, Malaızııa, Iran, Japonııa, Ońtústik Koreıa, Qytaı, Jańa Zelandııa, Taıland, О́zbekstan, Vetnam, Iordanııa quramalary sarapqa salady.
Jerebe Belline Arena ulttyq tennıs ortalyǵynda tartyldy. Qazaqstan jasóspirimderi A tobynda Qytaı, О́zbekstan jáne Malaızııa komandalarymen oınaıtyn boldy.
Qazaqstan namysyn Zańǵar Nurlanuly, Damır Jalǵasbaı pen Danıel Tazabekov qorǵaıdy.
Komandanyń kapıtan: Sergeı Kvak.
О́tken jyly Qazaqstan jasóspirimder quramasy irikteýden sátti ótip, alǵash ret komandalyq álem chempıonatynyń fınaldyq kezeńine shyqqan edi.
Irikteý saıystaryna qatysatyn 16 komanda tórt topqa bólingen. Ár toptan eki qurama pleı-off kezeńine ótedi. Jartylaı fınalǵa ótkender álem chempıonatyna joldama alady.
