بوكستان ايەلدەر قۇراماسى ليتسەنزيالىق تۋرنيرگە دايىن وتىر

بوكستان قازاقستان ايەلدەر قۇراماسى 24 مامىر مەن 2 ماۋسىم ارالىعىندا تايلاندتىڭ بانگكوك قالاسىندا وتەتىن وليمپياداعا ليتسەنزيالىق تۋرنيرگە وقۋ-جاتتىعۋدى اياقتاپ، دايىن وتىر.

سپورتشىلار الماتى وبلىسىنداعى وليمپيالىق بازادا تىڭعىلىقتى دايىندالىپ، وقۋ-جاتتىعۋ جيىنىندا بولدى. جاتتىعۋلار ەكى كەزەڭگە ءبولىنىپ، جاسالدى.

قۇراماسىنىڭ باس جاتتىقتىرۋشىسى ەلدوس سايدالين ايەلدەر كومانداسىنىڭ جاتتىعۋىن جاقسى باعالادى.  ەندى تايلاندتا جالاۋى كوتەرىلەتىن بوكس تۋرنيرىنە 5 سپورتشى قاتىسادى. بۇعان دەيىن حابارلانعانداي، جارىستا نازىم قىزايباي (50 كگ)، ۇلجان سارسەنبەك (54 كگ)، ريمما ۆولوسەنكو (60 كگ)، ناتاليا بوگدانوۆا (66 كگ) مەن ۆالەنتينا حالزوۆا (75 كگ) وليمپياداعا ليتسەنزيا الۋعا تىرىسادى.

قازىر قازاقستان قۇراماسىندا ءبىر عانا ليتسەنزيا بار. ونى قىتايدىڭ  حانچجوۋ قالاسىندا وتكەن ازيا ويىندارىندا 57 كەلى سالماقتا كۇش سىناسقان كارينا يبراگيموۆا جەڭىپ العان. ودان كەيىن جولداما يتالياداعى ىرىكتەۋ سىنىندا ۇلەستىرىلگەن بولاتىن.

داستان كەنجالين،

استانا