FIFA birqatar fýtbol erejesin ózgerteýdi usyndy

Halyqaralyq fýtbol federaııasy (FIFA) beıneqaıtalaý erejesin ózgertý jóninde usynys jasady. Bul jattyqtyrýshylardyń daýly sátter boıynsha beınejazbany kórýdi talap etýine múmkindik beredi, dep habarlady QazAqparat.

FIFA prezıdenti Djannı Infantıno mundaı usynysty 2024 jyldyń 17 mamyrynda Taılandtyń astanasy — Bangkok qalasynda ótken FIFA-nyń 74-kongresinde bildirdi.
Eger jańashyl joba sátti júzege assa, jańa ereje álem boıynsha engiziletin bolady. Keıingi jyldarda fýtbol mamandary oıynǵa baılanysty jańashyldyqqa kóńil bólip keledi. Bul baǵytta ondaǵan jyldar boıy eshqandaı ózgeris jasalmaǵan edi.

Federaııa kóktemnen bastap beıneqaıtalaýdyń jańa júıesine qatysty erejelerdi jasóspirimder arasyndaǵy týrnırlerde synaqtan ótkize bastady. Komandalardyń bas bapkerleri oıyn barysynda eki márte beıneqaıtalaý boıynsha tóreshige usynys bildire alady.

Árbir jattyqtyrýshy match kezinde eki márte beıneqaıtalaýdy kórý jóninde talap ete alady. Bas tóreshiniń sheshimi qate bolǵan jaǵdaıda oıynshylar bapkerge ol jóninde usynysyn aıtady. Eger tóreshi naqty sátter boıynsha óziniń birinshi sheshimine ózgeris engizgen jaǵdaıda onda bapkerdiń match barysyndaǵy eki márte beıneqaıtalaý kórý jóninde talap qoıý múmkindigi saqtalyp qalady, — dedi Djannı Infantıno.

Federaııa kóktemde birshama pikirtalasqa túsken taǵy bir jańashyl jobany synaqtan ótkizýdi bastap ketti. Jaqyn arada fýtbolda oıynnan tys qalý nemese ofsaıd jaǵdaıy boıynsha ereje ózgerýi múmkin.

Jańa erejege sáıkes, eger shabýyldaýshynyń búkil denesi qorǵaýshydan alda tursa, ofsaıd erejesi qoldanylady. Qazirgi ýaqytta oıynnan tys qalý jaǵdaıy eger shabýylshy qorǵaýshydan bir mıllımetrge ozyp ketse de belgilenedi. Endi jańa ereje negizinde deneniń gol soǵýǵa bolatyn bóligine ǵana qatysty qoldanylady. Sondyqtan ol boıynsha erejede qol alynyp tastalady.

«Arsenaldyń» burynǵy bas jattyqtyrýshysy Arsen Venger klýbtan qyzmetten ketkennen keıin FIFA-nyń fýtboldy damytý departamentine basshylyqqa taǵaıyndaldy. Ol birneshe jyldan beri ofsaıd erejesin ózgertý boıynsha oń nátıjege qol jetkizip keledi. Ofsaıdtyń qaıta qaralǵan anyqtamasy shabýyldaýshy oıynshylarǵa aıtarlyqtaı paıda ákeledi.

Vengerdiń usynysy qarapaıym, «eger sizdiń murnyńyz ofsaıdta bolsa, onda sizdiń búkil dene ofsaıdta» degen uǵymdy joqqa shyǵarady.

Ol eger gol soǵýy múmkin deneniń bir bóligi sońǵy qorǵaýshynyń syzyǵynda nemese artynda bolsa, fýtbolshy oıynnan tys qalmaıdy degen jańa modıfıkaııany usynady. Fýtbolshynyń búkil denesi dop pen ekinshi qarsylasqa qaraǵanda qarsylastyń qaqpa syzyǵyna jaqyn bolsa oıynnan tys qaldy dep esepteledi.

Ofsaıd boıynsha jańa ereje 2025 jyldyń aqpan aıynda resmı túrde qabyldanýy múmkin. Bul jaǵdaıda FIFA jańartylǵan erejeni 2025-26 maýsymnan bastap joǵary lıgalarǵa jáne sol ýaqyttaǵy álem chempıonatyna engizýge usyna alady.