تەننيستەن قازاقستان جاسوسپىرىمدەر قۇراماسى شيرەك فينالعا شىقتى

قازاقستان جاسوسپىرىمدەر قۇراماسى شىمكەنت قالاسىندا 16 جاسقا دەيىنگىلەر اراسىندا ءوتىپ جاتقان دەۆيس كۋبوگى ازيا — تىنىق مۇحيت ايماعى بويىنشا ىرىكتەۋ ءتۋرنيرىنىڭ شيرەك فينالىنا جولداما الدى، دەپ حابارلادى قازاقستان تەننيس فەدەراتسياسى.

قازاقستان قۇراماسى ا توبىندا وزبەكستان قۇراماسىن 3:0، مالايزيانى 3:0 ەسەبىمەن جەڭدى.

الدىمەن دانيەل تازابەكوۆ 46 مينۋتقا سوزىلعان ماتچتا ابيبكە بىردە-ءبىر گەيم بەرگەن جوق. ويىن 6:0، 6:0 ەسەبىمەن اياقتالدى.

زاڭعار نۇرلان ۇلى دەۆاشتان دا 6:1، 6:0 ەسەبىمەن ايلاسىن اسىردى.

جۇپتىق سىندا د. تازابەكوۆ پەن دامير جالعاسباي قارسىلاستارىنا ەش مۇمكىندىك قالدىرعان جوق. ەسەپ — 6:0، 6:2.

بۇگىن سەرگەي كۆاك جاساقتاعان جاسوسىپىرىمدەر قۇراماسى قىتاي كومانداسىمەن ويناپ، جەڭىسكە جەتتى.

قىتايلىقتار دا شيرەك فينالعا مەرزىمىنەن بۇرىن جولداما العان بولاتىن.  قازاقستان ا توبىنان شيرەك فينالعا ءبىرىنشى ورىنمەن شىقتى.