Baqtıer Zaınýtdınov Túrkııa kýbogyn jeńip aldy (VIDEO)

Fýtboldan Qazaqstan ulttyq qurama komandasy men Ystanbul qalasynyń «Beshıktash» klýbynyń oıynshysy Baqtıer Zaınýtdınov Túrkııadaǵy alǵashqy jetistigine jetti.

«Beshtıktash» Túrkııa kýbogynyń fınalynda Trabzon qalasynyń «Trabzonspor» klýbyn  3:2 esebimen jeńip, el kýbogynyń ıegeri atandy. Sóıtip, Ystanbuldyń komandasy osy jeńistiń arqasynda Eýropa lıgasynyń pleı-off kezeńine joldama aldy.

Bul matchta Baqtıer Zaınýtdınov jaraqatyna baılanysty oınaǵan joq. Ol qosalqy quramda qalyp, alańǵa shyqpady.

Oıynda birinshi bolyp esepti qonaqtar ashty. 13-mınýtta Pol Onýachý «Trabzonspordy» alǵa shyǵardy. Odan keıin birinshi taımǵa qosylǵan ýaqytta Rashıd Gezzal penaltıden esepti teńestirdi.

Ekinshi taımda «Trabzonspordyń» oıynshysy Djekson Mýleka 54-mınýtta alań ıeleriniń qaqpasyna gol salyp, tablodaǵy esepti ózgertti. Al oıynnyń negizgi ýaqyt aıaqtalýǵa bir mınýt qalǵanda Nıkolas Pepe esepti teńestirip, komandasyn jeńilisten aman alyp qaldy.

Matchta jeńis golyn komandasyna oıynnyń negizgi ýaqytyna qosylǵan 4-mınýtta Álı ál-Moatasembella syılady.

Ol aıypdop alańynyń syrtynan dopty qaqpanyń sol jaq buryshyna teýip, nysanany dál kózdedi.

Dastan KENJALIN,

ASTANA

 

View this post on Instagram

 

A post shared by Bakhtiyor Zainutdinov (@bateka_11)