Býrabaıda trıatlonnan Azııa kýbogynyń ıegerleri anyqtaldy (FOTO)

Aqmola oblysyndaǵy Býrabaı kýrortty aımaǵynda  trıatlonnan Azııa kýbogy men Ortalyq Azııa chempıonaty aıaqtaldy.

Bıylǵy jarysqa 12 elden barlyǵy elıta sanatynda 37 atlet (erler — 29, áıelder — 8) qatysty.

Sportshylar 3 saǵatqa jýyq ýaqytta 750 metr qashyqtyqty júzip ótip, 40 shaqyrymdy velosıpedpen artqa tastady. Oǵan qosa 10 shaqyrym joldy júgirdi.

Azııa kýbogynyń nátıjesinde otandasymyz Daryn Qonysbaev tórtinshi satyǵa  jaıǵassa, Aleksandr Ten altynshy, Arlan Jańabaı jetinshi, Egor Krýpıakov toǵyzynshy, Aıan Beısenbaev on birinshi, Maksım Shmýlıch on ekinshi, Meıirlan Ysqaqov on tórtinshi, Álıhan Ábýseıit on jetinshi, Ánýar Turybaev on segizinshi, Danıl Porodnov jıyrma birinshi jáne Ábilhaıyr Tirjanov jıyrma ekinshi orynǵa ornalasty.

Jeńis tuǵyrynan  Germanııanyń ókili Ianne Bıýttel kórinse, kúmis medal ırlandııalyq Rassell Ýaıtqa buıyrdy. Qola júldege gonkongtyq Shıng Hım Iý ıe boldy.

Áıelder arasynda otandasymyz Ekaterına Shabalına tórtinshi, Iýlıa Ozerova altynshy, Mılena Saprına  jetinshi, al Nadejda Bekmaǵanbetova segizinshi oryndy qanaǵat tutty.

Altyn júldeni ırlandııalyq Elızabet Karr, kúmis medaldi gonkongtyq Beılı Braýn, al úshinshi oryndy ózbekstandyq Alınam Hakımova jeńip aldy.

Start ońaı bolǵan joq. Myqty básekelestikke qaramastan, sportshylarymyz baryn saldy. Kelesi joly tyńǵylyqty daıyndalyp, qateliktermen jumys isteıtin bolamyz, — dedi Trıatlon federaııasynyń birinshi vıe-prezıdenti Iýrıı Solovev.

Aıta keteıik, jarys-  trıatlonshylarǵa 2024 jyly Parıjde ótetin jazǵy Olımpııalyq oıyndarǵa qatysý úshin qajetti upaılardy ákeletin sońǵy reıtıngtik jarystardyń biri. Atap aıtsaq, birinshi orynǵa 200, ekinshi orynǵa 185, úshinshi orynǵa 170 upaı beriledi.

Ortalyq Azııa chempıonatynyń qorytyndysynda bas júldeni  erler arasynda Daryn Qonysbaev ıelense, Aleksandr Ten ekinshi, Arlan Jańabaı úshinshi boldy.

Áıelder arasynda ózbekstandyq Alına Hakımova altynnan alqa taqty. Qalǵan júldeni Ekaterına Shabalına men Iýlıa Ozerova ózara bólisti.

Azııa kýbogy men Ortalyq Azııa chempıonaty «Aınakól» qonaqúıiniń janynda boldy.

Jazıra NURTAEVA,

Aqmola oblysy, Býrabaı