تەننيستەن ءاچ: قازاقستان ىرىكتەۋ ءتۋرنيرىن ەكىنشى ورىنمەن اياقتادى

شىمكەنت قالاسىندا تەننيستەن 16 جاسقا دەيىنگىلەر اراسىندا دەۆيس كۋبوگىنىڭ ازيا – تىنىق مۇحيت ايماعى بويىنشا ىرىكتەۋ ءتۋرنيرى مارەسىنە جەتتى، دەپ حابارلادى قازاقستان تەننيس فەدەراتسياسى.

فينالدا قازاقستان جاسوسپىرىمدەر قۇراماسى جاپونيا كومانداسىنا اسا تارتىستى ماتچتا 1:2 ەسەبىمەن جەڭىلىپ قالدى.

شىمكەنتتە بىرنەشە كۇن بويى جاڭبىر جاۋىنا بايلانىستى العاشقى ەكى ويىن زالدا حارد توسەنىشىندە بولدى. الدىمەن دامير جالعاسباي كاۆانيشي حيۋعا 6:1، 1:6، 1:6 ەسەبىمەن ەسە جىبەردى

ودان كەيىن زاڭعار نۇرلان ۇلى جاپونيا كومانداسىنىڭ كوشباسشىسى تاباتو ريۋدان 6:4، 6:4 ەسەبىمەن ايلاسىن اسىردى.

زاڭعار نۇرلان ۇلى ىرىكتەۋ كەزەڭىندە التى كەزدەسۋ وتكىزىپ، سونىڭ بارىندە قارسىلاستارىنا بىردە-ءبىر سەت بەرمەي، جەڭىسكە جەتتى.

ءۇشىنشى، شەشۋشى ويىندا جۇپتىق سىندا جاپونيالىق 3:6، 7:6 (7:5)، 10:6 ەسەبىمەن باسىم ءتۇستى.

ءسويتىپ، جاپونيا ەكىنشى جىل قاتارىنان ىرىكتەۋ تۋرنيرىندە ءبىرىنشى ورىنعا يە بولدى.

سوڭعى سىندا جەڭىلىپ قالعانىنا قاراماستان، جاسوسپىرىمدەر قۇراماسى ءبىر اپتا بويى جەڭىسكە دەگەن جىگەرلەرىن جاني ءبىلدى. بىلتىر قازاقستان كومانداسى ۇزدىك ۇشتىكتە بولسا، بيىل ەكىنشى ساتىدان كورىندى.